Árbók VFÍ/TFÍ - 01.01.1997, Page 14

12 Árbók VFÍ/TFÍ 1995/96
sambærileg útgáfa yrði einskorðuð við það efni sem hefur sérstakt varðveislugildi, svo sem
ritrýndar greinar, yfirlit og greinar um verklegar framkvæmdir og kjarni úr starfsemi félag-
anna. Útgáfunefnd var með bréfi frá stjóm falið að skoða útgáfumálin og móta tillögur um
fyrirkomulag og efnistök Árbókarinnar. Sjá nánar skýrslu útgáfunefndar VFI og TFI sem og
ársreikninga Verktækni.
Sameiningarmál: Vorið 1993 setti stjórn Verkfræðingafélags íslands á fót nefnd um endur-
skoðun markmiðs og skipulags VFI. Nefndin skilaði ítarlegri skýrslu í ágúst 1993.1 framhaldi
af skýrslunni var ákveðið að hefja samrekstur VFI og TFI. Enn fremur var lagt til að stefnt
skyldi að sameiningu VFI, SV og FRV, hinna þriggja félaga verkfræðinga. Var því skipaður
starfshópur til að gera drög að skipuriti sem endurspeglaði samtvinnun eða nána samvinnu
félaga verkfræðinga, þ.e. VFÍ, SV og FRV. Hópinn skipuðu í upphafi Árni Árnason f.h. VFI,
Þorvaldur Jacobsen f.h. SV og Guðrún Zoéga f.h. FRV. FRV kaus að halda sig að mestu utan
við málið og taka ekki beinan þátt á þessu stigi. Þá komu í hópinn Svana Helen Björnsdóttir
af hálfu VFÍ og Guðrún Rögnvaldardóttir af hálfu SV.
Starfshópurinn leitaðist við að greina ástæður þess að félagið hefur ekki fengið þann
hljómgrunn meðal verkfræðinga sem æskilegt er og koma með tillögur til úrbóta.
Hópurinn taldi að helstu vandamálin sem standa blómlegri starfsemi Verkfræðingafélags-
ins fyrir þrifum væru meðal annars þessi:
• Félögum tjölgar ekki og hópur þeirra verkfræðinga sem eru utan félagsins fer
stækkandi.
• Yngri verkfræðingar sjá ekki þörf fyrir að vera í félaginu.
• Stór hópur verkfræðinga kýs að vera í Stéttarfélagi verkfræðinga án þess að ganga í
VFÍ.
• Félagið er ekki það þjónustutæki sem menn ætlast til.
Starfshópurinn áleit að grundvallaratriði í lausn vandamála félagsins væri stækkuð félags-
heild. Þannig má lækka félagsgjöld, bæta þjónustu og auka hagkvæmni í rekstri.
Lagt var til að Verkfræðingafélag íslands, Tæknifræðingafélag íslands, Stéttarfélag verk-
fræðinga, Stéttarfélag tæknifræðinga og Kjarafélag tæknifræðinga verði sameinuð í eitt félag.
Lög hins nýja félags verði sveigjanleg til að gera því auðvelt að aðlagast breyttum aðstæðum
hverju sinni.
Á stjórnarfundi VFI í maímánuði var lagt fram bréf frá formanni TFÍ þar sem lagt er til
að bæði félögin marki sér sameiginlega skýra stefnu um sameiningu félaganna. Einnig var
sett fram tillaga um að félögin settu á laggirnar starfshópa til þess að vinna að ákveðnum
málaflokkum. I tilefni bréfsins bauð stjórn VFI stjómarmönnum TFI til fundar unr samein-
ingarmálin.
Á aðalfundi Stéttarfélags verkfræðinga síðastliðið vor var eftirfarandi tillaga samþykkt:
„Aðalfundur SV samþykkir að stjórn SV fái umboð til að móta tillögur að samstarfi og
jafnvel sameiningu við VFI“
Þá var einnig samþykkt hliðstæð tillaga um samstarf og jafnvel sameiningu við Stéttar-
félag tæknifræðinga.
Hér er í örfáum orðunr rakinn aðdragandinn að því mikla starfi sem farið hefur fram í
vetur til þess að kanna hugsanlega sameiningu VFÍ, TFÍ og SV. í fundargerð aðalfundar VFI