Árbók VFÍ/TFÍ - 01.01.1997, Síða 15

Skýrsla formanns VFI 13
1996, í kafla 4 hér að aftan, er sagt frá umræðum sem þar fóru fram.
1.5 Umsagnir
Mikið er um að Alþingi íslendinga og opinberir aðilar aðrir leiti álits eða umsagnar VFÍ á
ýmsum þjóðfélagsmálum. Jafnan er leitað til sérfróðra manna og fer það eftir eðli málsins
hverju sinni hvert leitað er aðstoðar varðandi umsagnir. Félagið býr yfir ótrúlegum þekkingar-
forða og á innan sinna vébanda sérfræðing í nánast hverju því máli sem upp kemur í þjóðfél-
agsumræðunni, enda hefur það sýnt sig að álit félagsins skiptir þjóðfélagið máli. Umsagnir
héðan skila sér og mark er tekið á því sem VFI hefur að segja og sendir frá sér. Helstu um-
sagnir VFI vörðuðu eftirfarandi málaflokka:
• Utboðsstefna ríkisins.
• Frumvarp til skipulags- og byggingarlaga
• ÍST-50
• ÍST-30
• Frumvarp til laga um öryggi vöru og opinbera markaðsgæslu
• Tillaga til þingsályktunar um mat á jarðskjálftahættu og styrkleika mannvirkja á Suður-
landi.
• Frumvarp til laga um löggildingu starfsheita í tækni- og hönnunargreinum.
• Reglugerð samkv. 7. mgr. 2. gr. laga nr. 26/1994 um fjöleignarhús.
Öll voru þessi mál tekin fyrir hvað eftir annað. Umsagnir eru til staðar á skrifstofu
félagsins og geta félagsmenn snúið sér þangað ef þeir óska frekari upplýsinga.
1.6 Samstarf við Norðurlandafélögin
Nordisk Ingeniörmöde (NIM-95), fundur formanna og framkvæmdastjóra á Norðurlöndum,
var haldinn í Visby á Gotlandi dagana 8. til 11. júní 1995 í boði sænska verkfræðingafé-
lagsins, CF (Sveriges Civilingeniörsforbund). Varaformaður og framkvæmdastjóri sóttu
þennan fund af hálfu VFÍ.
Á leiðinni á fundinn fóru formaður og framkvæmdastjóri VFÍ í heimsókn til Ingeniör-
foreningen i Danmark til þess að fræðast um hið nýja félag verkfræðinga og tæknifræðinga
og undirbúning að stofnun þess. Framkvæmdastjóri IDA, Helge Strange Henriksen, gaf
mikilvægar upplýsingar og rakti samstarf félaganna allt frá 1974, sent fór stöðugt vaxandi þar
til sameiningin átti sér stað 1. janúar 1995. Helge afhenti lög og reglugerðir hins nýja félags
og fleiri gögn sem mikill fengur var í.
Gerð var grein fyrir liðnu starfsári hjá félögunum, lagt fram yfirlit yfír félagafjölgun o.fl.
Fram kom að atvinnuleysi meðal verkfræðinga er minnst hér á landi og í Noregi eða undir
2%. I Danmörku voru um 6% atvinnulausir, í Svíþjóð tæplega 3% og í Finnlandi tæplega 6%,
sem er heldur minna en verið hefur. Formaður IDA sagði að fyrir um 10 árum hefðu um 60%
félagsmanna starfað í einkageiranum og um 40% í opinbera geiranum. Nú starfa um 20%
félagsmanna IDU í opinbera geiranum en um 80% í einkageiranum.
Þann I. janúar 1995 sameinuðust félög verkfræðinga og tæknifræðinga í Danmörku. Nýja
félagið fékk nafnið Ingeniörforeningen i Danmark, skammstafað IDA. Áætlanir hafa staðist