Árbók VFÍ/TFÍ - 01.01.1997, Page 35
Skýrslur fastanefnda VFI 33
Kynningarfundir: Á starfsárinu hafa verið haldnir eftirtaldir kynningarfundir:
í apríl var fundur í húsakynnum Borgarverkfræðings um holræsi Reykjavíkurborgar þar
sem skýrt var frá þróun og áformum í holræsamálum borgarinnar.
I maí var fundur í húsakynnum Reykjavíkurhafnar um starfsemi hafnarinnar. Farið var yfir
skipulag og þróun hafnarsvæða, bæði gömul og ný, og rætt um mannvirkjagerð o.fl. á
hafnarsvæðinu.
I október var farið í náms- og vísindaferð til Isafjarðar og nágrennis. Skoðuð voru jarð-
göng undir Breiðadals- og Botnsheiði, sorpeyðingarstöðin Funi, vegskálar og snjóflóðavarnir
í Oshlíð, brimvarnargarður í Bolungarvík og farið var í Súðavík.
í desember var fundur í húsakynnum Landsvirkjunar um fyrirhugaðar framkvæmdir
Landsvirkjunar vegna aukinnar orkuþarfar. Sagt var frá helstu verkefnum Landsvirkjunar
vegna stækkunar ISAL og mögulegs álvers á Grundartanga. Lýst var 5. áfanga Kvíslaveitu,
hækkun Blöndustíflu og endurnýjun Sogsvirkjana.
í janúar var fundur í húsakynnum Almennu Verkfræðistofunnar. Kynnt voru helstu verk-
efni Almennu Verkfræðistofunnar og lýst rannsóknum og áætlanagerð vegna fyrirhugaðra
endurbóta á Reykjavíkurflugvelli.
Orðanefnd byggingarverkfræðinga: Byggingarverkfræðideild Verkfræðingafélags íslands
stofnaði Orðanefnd byggingarverkfræðinga árið 1980 og hefur hún starfað óslitið síðan.
Nefndin starfar í tveimur hópum og eru nefndarmenn alls 11. Tveir þeirra eru í fullri vinnu
fyrir nefndina, þeir Einar B. Pálsson formaður, sem hefur starfað í henni frá upphafi, og Ólafur
Jensson verkfræðingur.
Verkefni Orðanefndar er að búa til heilsteypt íðorðakerfi fyrir hverja grein byggingarverk-
fræðinnar, svo að ræða megi og rita um hana á fullgildri íslensku og af þeirri nákvæmni sem
við hæfi er.
Nefndin hefur frá stofnun unnið gífurlega mikið og golt starf. Nú er stefnt að því að koma
í útgáfu þeim hluta sem lengst er kominn í vinnslu, en það er íðorðasafn um fráveitur.
Á síðastliðnu ári fékk BVFÍ, f.h. Orðanefndar, 1.200.000 króna styrk úr Málræktarsjóði
vegna smíði íðorðasafns byggingarverkfræðinga. Skilyrði fyrir styrkveitingunni er að Mál-
ræktarsjóður fái eintak af útgáfunni og að nafns sjóðsins sé getið í henni.
Fjárhagur: Fjárhagur félagsins er traustur. Innheimta félagsgjalda gengur þokkalega og er
inneign í sjóði allnokkur.
Byggingardeild VFI
Torfi G. Sigurðsson ritari
2.5.4 Norðurlandsdeild VFÍ
I stjórn Norðurlandsdeildar VFI voru: Bergur Steingrímsson formaður, Bjarni Kristinsson,
Sigurjón Jóhannesson, Valur Knútsson og Þórhallur Hjartarson.
Allt frá árinu 1990 hefur Norðurlandsdeild VFÍ verið rekin með hagnaði þótt tekjur af
félagsgjöldum hafi engar verið. Reyndar hefur verið lítil (engin) starfsemi á vegum deilda-
rinnar þennan tíma. Síðastliðið ár hefur þó lifnað nokkuð yfir starfinu og er þar ekki síst að
þakka hvatningu og stuðningi bæði stjórnar og skrifstofu VFI.