Árbók VFÍ/TFÍ - 01.01.1997, Page 61
Skýrsla formanns TFI 59
1.8 Löggildingar
Samkvæmt 12. grein byggingaiiaga ber umhverfisráðuneytinu að veita ákveðnum starfsgrein-
um löggildingu til að skila inn teikningum til byggingarnefnda. Aður en löggildingin er veitt
skal leita umsagnar stéttarfélags. TFI stofnaði því löggildingarnefnd til að fara yfir umsóknir
um löggildingu og hefur Sigurður Sigurðarson veitt henni formennsku. Tengt þessu er mál sem
Hannes Siggason hefur barist fyrir en það er að 12. grein byggingarlaga verði einnig virk, þ.e.
greinin um það hverjir mega leggja fram raflagnateikningar, en sú réttarvenja hefur skapast að
fara ekki eftir ákvæðum laganna hvað varðar raflagnateikningar. Eftir mikla vinnu er nú svo
komið að Rafmagnsveita Reykjavtkur samþykkir einungis teikningar frá löggiltum aðilum.
1.9 Samstarf við VFÍ
Samstarfið við VFI hefur gengið með ágætum, jafnvel svo vel að menn söknuðu líflegrar um-
ræðu á árlegum samráðsfundi félaganna, sem haldinn var í desember 1995. Helsta vandamál-
ið við samrekstur félaganna er að ýmsar sameiginlegar nefndir félaganna heyra ekki undir
eina stjórn. Til þess að taka á þessu máli var ákveðið að formenn og varaformenn félaganna
hittist á reglulegum fundum til að fjalla um sameiginleg mál og mun formennska skiptast á
ntilli þeirra hálft ár í senn.
1.10 Endurskipulagning TFÍ
Eins og fram kemur í tillögum stjórnar TFÍ hefur stjórnin lagt til að skipulagi félagsins verði
breytt. Forsaga málsins er sú að stjórn TFÍ hefur orðið vör við ákveðna togstreitu milli laun-
þega innan TFÍ og sjálfstætt starfandi innan TFI. Til að tryggja að félagið þjónustaði báða
hópana jafnt þótti sýnt að rétt væri að skipta félaginu upp í tvö félög, félög launþega og
sjálfstætt starfandi, líkt og gert hefur verið í danska félaginu IDA. Grunnhugmyndin var sú að
allir félagsmenn í TFI væru annaðhvort í félagi sjálfstætt starfandi eða í félagi launþega.
Stjórn TFI ræddi þessi mál við fulltrúa frá Stéttarfélagi tæknifræðinga og Kjarafélagi tækni-
fræðinga, en eins og flestum er eflaust kunnugt eru stéttarfélög tæknifræðinga á frjálsum
markaði annars vegar og hjá ríkinu hins vegar. Stjórn TFI ákvað í ljósi þessara hugmynda að
skipa vinnuhóp til að undirbúa stofnun nýrrar deildar innan félagsins, sem væri hliðstæð
Stéttar- og kjarafélagi tæknifræðinga. í vinnuhópinn voru skipaðir Gunnar Sæmundsson,
Hannes Siggason og Páll A. Pálsson. Hópurinn skilaði af sér tillögum og kynnti þær á sam-
eiginlegum fundi stjórnar TFI og ýmissa trúnaðarmanna félagsins. Á sama fundi kynntu full-
trúar Stéttar- og kjarafélags tæknifræðinga þá hugmynd sína að steypa þessurn félögum
saman í eitt félag.
Eins og fram kernur í tillögum stjórnar TFÍ er ætlunin að allir meðlimir TFÍ séu annaðhvort
meðlimir í Kjarafélagi tæknifræðinga í Tæknifræðingafélagi Islands (KTFI) eða í Félagi stjórn-
enda og sjálfstætt starfandi tæknifræðinga í TFI (STFI). Bæði iélögin munu hafa sjálfstæðan
tjárhag og stjóm. Félögin munu velja einn fulltrúa í stjórn TFÍ, að öðru leyti verður stjórn TFÍ
kosin eins og áður. Ljóst er að nýrrar stjórnar STFÍ bíður stórt verkefni í að móta starfsemi
félagsins. Verkefni TFÍ snýr fyrst og fremst að málefnum sem eru sameiginleg báðum hópun-
um, t.d. menntunarmálum, endurmenntunarmálum, útgáfumálum, umsögnum um lög og rekstri
skrifstofu. Endanlegt hlutverk undirfélaganna verður mótað á næsta starfsári.