Árbók VFÍ/TFÍ - 01.01.1997, Síða 86

84 Árbók VFÍ/TFÍ 1995/96
Annað: Á fundinum, sem haldinn var 2. nóvember 1995, var boðið upp á þá nýbreytni að
sjónvarpa fundinum beint til Akureyrar. Þar var beitt nýjustu tækni í góðu samstarfi við Póst
og síma. Ekki er útilokað að framhald verði á þessu og eru tveir möguleikar fyrirsjáanlegir.
Annars vegar að félögin fjárfesti í búnaði sem getur sjónvarpað fundum sem þessum. Líklega
yrði það félögunum fjárhagslega ofviða auk þess sem sú fjárfesting myndi ekki nýtast nema
að takmörkuðu leyti. Hins vegar að leigja búnaðinn og uppsetningu hans frá Pósti og síma en
á þessari stundu er ekki ljóst hvað slíkt mun kosta þar eð Póstur og sími hefur ekki gefið út
verðskrá fyrir slíka leigu. Líklegt þykir mér þó að sá kostnaður verði meiri en sem nemur
kostnaði við að senda mann til fyrirlestrahalds úti á landi. Öruggt má þó telja að áðurtalinn
kostnaður muni lækka í framtíðinni þegar tæknin hefur slitið barnsskónum og gera þetta að
fýsilegri kosti fyrir félögin og þar með yrði félagsmönnum á landsbyggðinni betur sinnt.
Til stóð á þessu starfsári kynningamefndar að halda svonefnd þemakvöld í nýjum sal
VFI. Þar er meiningin að menn hittist eina kvöldstund og hlýði á erindi um eitthvert ákveðið
þema en taki síðan þátt í umræðum að því loknu. Þar sem aðrar uppákomur félaganna voru á
svipuðum tíma og fyrirhugað þemakvöld var ákveðið að fresta því um sinn en líklegt er að
þráðurinn verði tekinn upp þar sem frá var horfið að nýju á hausti komanda.
Kynningarnefnd TFI og VFI
Sigurður Ragnar Ragnarsson formaður
6. Endurmenntunarmál
6.1 Sameiginleg nefnd um mótun stefnu í endurmenntunarmálum
Endurmenntunarnefnd TFI vinnur að endurmenntun tæknifræðinga. Menntamálanefnd fer
með endurmenntunarmál VFÍ. Báðar þessar nefndir eru fastanefndir í félögunum. í janúar
I995 var skipuð sameiginleg vinnunefnd TFÍ og VFÍ til að endurskoða stefnu félaganna í
endurmenntunarmálum og gera tillögur til stjórna um stefnumótun. Nefndin hélt alls sjö fundi
á tímabilinu janúar til júní 1995. Tillögur nefndarinnar, sem eru í tíu liðum, voru samþykktar
af stjórnum TFÍ og VFÍ.
Meðal nýmæla í tillögum nefndarinnar má nefna endurmenntunarsjóð tæknimanna, sem
fjármagnaður yrði líkt og lífeyrissjóður af vinnuveitendum og launþegum. Jafnframt er lagt
til að félögin geri endurmenntun og símenntun félaga sinna að forgangsverkefni og verji til
þess umtalsverðri fjárhæð á næstu fimm árum. Þá er tillaga um að koma á fót sameiginlegri
fastanefnd til að sinna endurmenntunarmálum. Þessi nefnd hefur nú verið skipuð og er Jón
Vilhjálmsson verkfræðingur formaður hennar. í tillögum vinnunefndarinnar er lagt til að
áfram verði höfð góð samvinna við Endurmenntunarstofnun Háskóla íslands.
Nefndina skipuðu Nicolai Jónasson og Sigurður Grímsson fyrir TFÍ og Guðmundur G.
Þórarinsson og Guðleifur Kristmundsson, sem jafnframt var formaður, fyrir VFÍ.
Tekið saman úr ársskýrslu um starfssemi Menntamálanefndar VFÍ sem Guðleifur M.
Kristmundsson skrifaði (RR).