Árbók VFÍ/TFÍ - 01.01.1997, Qupperneq 103

Ráðstefnur á vegum VFÍ/TFI 101
vekti það undrun hversu stöðnuð íslensk fiskvinnsla var. Vöruþróun Marel hafi á þeim tíma
verið knúin áfram af því sem var að gerast í Kanada og á Grænlandi. Á erfiðleikatímanum
hafi menn vaknað af dvalanum. Það megi því segja að það sé fyrirtækjum hollt að berjast fyrir
lífi sínu.
Magnús Magnússon sagði að mörgum sjávarútvegsfyrirtækjum hafi verið illa stjórnað.
Það hafi til dæmis birst í því að út um allt land voru keyptir lausfrystar sem oft og tíðum voru
á endanum notaðir sem kústaskápar! Margir stjórnendur hafi ekki leitað heildarlausna þar sem
mörkuð var stefna til sérhæfingar og sjálfvirkni.
Jón Þórðarson sagði samþjöppun nauðsynlega. Ekkert vit væri í öðru en að í framtíðinni
yrðu aðeins tíu fiskvinnslufyrirtæki hér á landi sem hvert um sig velti 10 milljörðum króna á
ári. Annað væri bruðl.
Gunnar Sæmundsson sagði fyrirtækin ekki nógu stór til að stunda öflugt þróunarstarf. Þá
benti hann á mikilvægi þess að fyrirtæki einsog Marel vinni með mönnum sem starfa í grein-
inni og nefndi sem dæmi að Grandi er í samstarfi við Baader.
Varðandi það hvort offjárfestingar stöfuðu ekki af lélegri ráðgjöf sagði dr. Geir A. Gunn-
laugsson að of fáir ráðgjafar hafi verið starfandi og það sé ótrúlegt hversu fáir verkfræðingar
og tæknifræðingar starfi innan fiskiðnaðarins. Geir ítrekaði þá skoðun sína að fyrirtækin hafi
einfaldlega haft það of gott á tímum gengislækkananna. Nú sé sá tími liðinn og fyrirtækin
verði að laga sig að nýjum veruleika. Gunnar Sæmundsson sagði í þessu sambandi að útgerð-
arfyrirtækin hafi verið rekin með tapi þó svo að segja mætti að þau hafi fengið olíu og viðhald
ókeypis. Erfiðleikarnir skóli menn og stjórnun fyrirtækjanna sé mun agaðri en áður.
Erlendis er víðast hvar unnið allan sólarhringinn í fiskvinnslunni en hér á landi er raunin
önnur. Um ástæðurnar sagði Magnús Magnússon að stjórnmálamenn haft skaffað öllum sjáv-
arplássum frystihús og togara, burtséð frá því hvort það borgaði sig eða ekki. Það hafi ekki
verið hagkvæmt að vinna allan sólarhringinn auk þess sem verkalýðsfélögin hafi verið treg í
taumi með greiðslur utan hefðbundins vinnutíma. Gunnar Sæntundsson sagði að þetta hefði
breyst, þannig væri oft unnið allan sólarhringinn hjá Granda. Landvinnslan hafi tekið sig á
þegar hún fór halloka gagnvart frystitogurunum. Landvinnslan hafi í auknum mæli farið út í
lausfrystingu þar sem hún hafi gengið erfiðlega í sjóvinnslunni.
Sigrún S. Hafstein, ritstjóri Verktœkni