Árbók VFÍ/TFÍ - 01.01.1997, Page 106
104 Árbók VFÍ/TFÍ 1995/96
viðræður áttu sér stað milli fulltrúa FRV, sem jafnframt var fulltrúi Verkfræðingafélags ís-
lands í viðræðunum, og Reykjavíkurborgar. Niðurstaða þeirrar vinnu lá fyrir í apríl 1995 og
birtist í svokölluðum „reglum um samskipti Reykjavíkurborgar og sjálfstætt starfandi verk-
fræðinga (verkfræðiráðgjafa) í Félagi ráðgjafarverkfræðinga og/eða Verkfræðingafélagi ís-
lands“. Reglur þessar segja m.a. til um hvenær beita skuli forvali, hvenær verkfræðiráðgjafi
er valinn beint, hvenær svokölluðu hæfnisvali skuli beitt og að lokum hvenær samkeppni
milli hönnuða eigi við.
í grundvallaratriðum er niðurstaða þessarar vinnu jákvæð fyrir ráðgjafarverkfræðinga og
því brýnt að félagsmenn, og félagið sjálft, fylgi því eftir að unnið sé út frá þessum samskipta-
reglum.
Stjórn félagsins hefur í kjölfarið átt viðræður við tæknimenn annarra sveitarfélaga á Stór-
Reykjavíkursvæðinu ásamt því að kynna efnið fyrir fulltrúum tæknimanna allra sveitarfélaga
á landinu á fundi þeirra sl. haust. Leitað verður eftir að koma á hliðstæðum samskiptareglum
við sem flest sveitarfélög í landinu.
Félagsmenn FRV tóku jafnframt þátt í samstarfshópi á vegum Verslunarráðs Islands þar
sem fjallað var um útboðsstefnu ríkis og sveitarfélaga.
Afkomukönnun: Eins og mörg undanfarin ár var gerð könnun á vegum félagsins á afkomu
FRV fyrirtækjanna. Fjórtán fyrirtæki (og einstaklingar) sendu inn upplýsingar en hjá þessum
fyrirtækjum vinna um 290 manns. Til þess að könnunin gefi sem réttasta mynd er nauðsynlegt
að sem allra flestir sendi inn upplýsingar. Niðurstöður úr afkomukönnunum 1989-1994 koma
fram í eftirfarandi töflu og er miðað við verðlag 1994:
1989 1990 1991 1992 1993 1994
Velta alls (Mkr.) 1814 1681 1689 1535 1513 1521
Velta/starfsmann (þús. kr.) 4478 4143 4171 3791 3980 4056
Laun og launat. gj./starfsm. (þús. kr.) 3072 2907 2985 2841 3086 2972
Annar kostn./starfsm. (þús. kr.) 1293 982 993 846 825 981
Hagnaður/starfsm. (þús. kr.) 113 254 194 105 69 103
Hagnaður(%) 2,5 6,0 4,6 2,8 1,7 2,5
Launakönnun: Gerð var launakönnun á vegum félagsins og bárust upplýsingar um laun 98
verk- og tæknifræðinga, sem vinna hjá 11 FRV-fyrirtækjum. Niðurstöður hafa verið sendar
aðildarfyrirtækjum FRV.
Kynningarbæklingur: Ákveðið hefur verið að ráðast í útgáfu á nýjum kynningarbæklingi
um FRV-fyrirtækin, en hann kom út í fyrsta sinn á síðasta ári. Óhætt er að segja að
bæklingurinn hafi fengið góðar viðtökur og verður þess t.d. greinilega vart hjá aðilum er hafa
samband við skrifstofuna að hann er hafður við höndina. Nýja útgáfan verður að mestu leyti
í sama formi og hin fyrri en þó verða gerðar nokkrar endurbætur og aukið við upplýsingar. Til
dæmis verður birtur sérlisti yfir alla félagsmenn í FRV í stafrófsröð ásamt nafni og
símanúmeri þess fyrirtækis sem viðkomandi starfar hjá.