Árbók VFÍ/TFÍ - 01.01.1997, Page 109
2. Stéttarfélag verkfræðinga
Stéttarfélag verkfræðinga er:
Upplýsingabrunnur um kjaramál verkfrœðinga
Málsvari verkfrœðinga í atvinnumálum
Samstaifsvettvangur verkfrœðinga í kjaramálum
Varnarþing verkfrœðinga í deilumálum
Mótandi afl í sókn verkfræðinga að bœttum kjörum
í félaginu eru nú um 800 verkfræðingar, þar af 260 starfandi hjá ríki, 50 hjá Reykjavíkur-
borg, 60 á FRV verkfræðistofum og 400 á almennum markaði.
Meðal fastra liða í starfsemi félagsins má nefna árlega kjarakönnun meðal verkfræðinga,
útgáfu fréttablaðs með TFI og VFI, útgáfu kynningarefnis og ýmis störf tengd atvinnumálum
svo sem starfsmiðlun og skipulagning funda og/eða ráðstefna um atvinnumál.
Stéttarfélagið hefur einn fastráðinn starfsmann sem er verkfræðingur og sér hann um dag-
legan rekstur félagsins, rekstur sjóða félagsins, aðstoð við félagsmenn í síma eða eftir form-
legum leiðum o.s.frv. Skrifstofa félagsins er opin frá kl. 9 til 17.
Félagsmenn fá ókeypis lögfræðiaðstoð vegna ágreiningsmála við vinnuveitanda og 25%
afslátt hjá lögfræðingum SV vegna persónulegra mála. Félagsmönnum stendur til boða þátt-
taka í samningi um orlofsferðir innan- og utanlands, aðstoð félagsins og aðgangur að gögnum
þess vegna launamála, aðstoð við ráðningu og ráðningasamninga og þátttaka í námskeiðum
sem stéttarfélagið heldur og/eða eru haldin í samráði við önnur stéttarfélög háskólamanna.
Stéttarfélagið hefur enn fremur gefið út bæklinga um ýmis hagsmunamál, t.d. vinnustaða-
samninga, markaðslaun ofl.
Meðal sérverkefna SV um þessar mundir er sameiginleg kjarakönnun með systurfélögum
á Norðurlöndum, stefnumörkun vegna réttinda verkfræðinga sem vinna við uppfinningar og
nýjungar hjá vinnuveitanda, kynningar fyrir nemendur í verkfræðinámi, starfsmiðlun stéttar-
félagsins og námskeið fyrir félagsmenn.
Inntökuskilyrði í SV er að viðkomandi sé verkfræðingur, hafi leyfi til að kalla sig verk-
fræðing eða hafi lokið viðurkenndu námi í verkfræði. Leyfisbréf iðnaðarráðuneytis þarf ekki
til að gerast meðlimur í félaginu. Árgjald í félagið er kr. 11.000 og greiðist í tvennu lagi eða
mánaðarlega hjá vinnuveitanda.