Árbók VFÍ/TFÍ - 01.01.1997, Page 161
TækniannáH 159
4.4 Orkuframkvæmdir og rekstur orkukerfisins
4.4.1 Landsvirkjun
Hjá Landsvirkjun voru þær framkvæmdir helstar á árinu 1995 að lokið var að fullu við
stækkun 132 kV tengivirkisins að Hryggstekk í Skriðdal. Grjótvörn á Þórisósstíflu og hluti
grjótvarnar Köldukvíslarstíflu voru lagfærðar. Unnið var markvisst að undirbúningi á endur-
nýjun Sogsstöðvanna, aflaukningu Búrfellsvirkjunar, stækkun Blöndulóns og 5. áfanga Kvísla-
veitu, en í allar þessar framkvæmdir þarf að ráðast á næstu árum, m.a. vegna stækkunar
álversins í Straumsvík.
4.4.2 Rafmagnsveitur ríkisins
Hjá Rafmagnsveitum ríkisins var fram haldið umfangsmiklum endurbótum á Skeiðfoss-
virkjun. I október 1995 var lokið við 32 km langa 66 kV línu frá Flúðum að Hellu á Rangár-
völlum. Lokið var við spennuhækkun á línunni frá Hryggstekk við Eyvindará við Egilsstaði,
úr 66kV í 132 kV.
Boraðar voru 42 hitastigsholur í grennd við þéttbýli á norðanverðu Snæfellsnesi og fannst
álitlegt jarðhitakerfi skammt suðvestan við Stykkishólm þar sem líkur eru taldar á að fyrir sé
80-l00°C vatnskerfi.
I aftakaveðri í október 1995, sem m.a. olli mannskæðu snjóflóði á Flateyri, urðu miklir
skaðar á rafkerfi rafmagnsveitnanna á Norðurlandi, frá Skagaströnd að Þórshöfn. Alls brotn-
uðu 332 staurar og aðrir 300 lögðust því nær á hliðina; 185 slár brotnuðu og 173 vírslit urðu.
Þar til viðbótar þurfti að rétta við um 1000 staura. Tjón rafmagnsveitnanna er metið á 183
milljónir króna, en því til viðbótar kemur kostnaður og óhagræði notenda.
4.4.3 Rafmagnsveita Reykjavíkur
Hjá Rafmagnsveitu Reykjavíkur var stærsta framkvæmdin á árinu 1995 stækkun 132 kV
SF6 rofabúnaðar í aðveitustöð 1 við Barónsstíg þar sem einnig voru settir upp mælaspennar
og liðavörn. Skráningu í landsupplýsingakerfi rafmagnsveitunnar miðaði vel á árinu og er nú
allt dreifikerfið í Reykjavík komið í það kerfi og auk þess öll ný hverfi í Kópavogi og
Garðabæ.
4.4.4 Orkubú Vestfjaröa
Hjá Orkubúi Vestfjarða voru þær framkvæmdir helstar á árinu 1995 að unnið var að endur-
byggingu á háspennulínum, svo sem 66 kV línunum Mjólká-Breiðidalur, Breiðidalur-ísa-
fjörður og Tálknafjarðarlínu frá Mjólká. Sumt af þessum endurbyggingum var á línuköflum
sem eyðilögðust í snjóflóðum og ísingarveðrum. 33 kV línan frá Mjólká að Hrafnseyri og
nokkrar minni línur voru einnig endurbyggðar á köflum þar sem þær höfðu eyðilagst í snjó-
l'lóði eða ísingu.
Framkvæmdir við hitaveitur voru þær helstar að endurnýjaður var áfyllingarbúnaður í
Bolungarvík og varmaskiptir við rafskaut. Nokkur hús voru tengd hitaveitum.
4.4.5 Hitaveita Reykjavíkur
Framkvæmdir Hitaveitu Reykjavíkur voru þær helstar að boraðar voru þrjár rannsóknarholur
á lághitasvæðum í grennd við Reykjavík, þar af ein 1260 m djúp hola í Geldinganesi þar sem