Árbók VFÍ/TFÍ - 01.01.1997, Page 185
Tækniannáll 183
Stúdentafélögin og uppákomur: Félög nemenda við verkfræðideild eru þrjú. Félag bygg-
ingarverkfræðinema gefur út blaðið Upp í vindinn. Félag vélaverkfræðinema gefur úr Véla-
brögð og Félag rafmagnsverkfræðinema gefur út Raflost.
Vísindaferðir: Oft er farið í stuttar vísindaferðir. Á þriðja ári er tveggja vikna námsferð til
útlanda, sem nemendur skipuleggja með kennara.
Hönnunarkeppnin: Allir þekkja hönnunarkeppnina!
Að lokum: Fyrirfram vita nemendur ekki við hvað þeir koma til með að starfa en þeir þurfa
að geta brugðist við breytilegum heimi og sett nám sitt í samhengi við þjóðfélagið. Með þeirri
grunnþekkingu sem felst í verkfræðinámi, ásamt tungumálakunnáttu og hæfni til að umgang-
ast fólk, hafa verkfræðingar á undanlörnum árum komið víða við. Þeir hafa unnið fagleg
tæknistörf í atvinnulífi landsins og erlendis. Þeir hafa stýrt framkvæmdum, setið í stól for-
stjóra á ýmsum sviðum, alþingismanna, ráðherra og seðlabankastjóra! Verkfræðideild, kenn-
arar og starfsfólk, mun aðstoða við námið en nemendurnir verða að vinna aðalverkið og taka
námið alvarlega strax frá byrjun. Gangi þeim vel.
8.2 Tækniskóli íslands
Nemendum hefur fjölgað nokkuð og eru nú um 500. Húsnæði skólans er nú meira en fullnýtt,
en 1997 verður breyting þar á. Á því ári fær skólinn til afnota og umráða um 1400 fermetra
til viðbótar þeim 5900 sem hann hefur nú. Með þessari viðbót skapast aukið kennslurými og
unnt verður að bæta alla vinnuaðstöðu til muna. Þessi stækkun ætti að duga fram yfir aldamót.
Námsbrautir eru hinar sömu og áður þó svo að þær hafi tekið nokkrum breytingum. I
rekstrardeild, sem nú er stærsta deildin, standa yfir grundvallarbreytingar á skipulagi náms og
verður árið 1997 í boði nám til BS-prófs í alþjóða markaðsfræðum og nýtt nám til BS-prófs í
vörustjórnun. í báðum tilvikum er um að ræða eins árs viðbótarnám ofan á tveggja ára nám í
rekstrarfræðum.
Árið 1995 var gerð skipulagsbreyting á rekstrardeild skólans þannig að stjórnunarlega var
deildinni skipt í tvennt, rekstrarsvið sem sér um iðnrekstrarfræðinám og framhaldsnám því
tengt og tæknisvið sem sér um iðnaðartæknifræðinámið.
Fyrir þrem árum voru fyrstu nemendurnir innritaðir í vél- og orkutæknifræði til lokaprófs
og stendur til að sá hópur ljúki námi um áramótin 1997-98. Þetta er ný námsbraut sem ekki á
sér beina fyrirmynd hérlendis, en svipað nám er í boði sums staðar á meginlandi Evrópu. Inni-
hald þess er byggt á hefðbundnu grunnnámi í véltæknifræði en seinni hluti þess er sérstaklega
sniðinn að íslenskum aðstæðum.
I athugun er að hetja kennslu til lokaprófs í rafmagnstæknifræði þannig að nemendur inn-
ritaðir haustið 1996 ættu hugsanlega að geta lokið námi hér heima. Eftir er þó að sjá að þetta
gangi eftir og er helsti þröskuldurinn skortur á fjármagni.
Á árinu 1996 eru þrjátíu ár síðan hafin var kennsla í eiginlegum tæknigreinum við Tækni-
skóla íslands. Þá var í fyrsta sinn kennt til fyrsta árs prófs í bygginga-, véla- og rafmagnstækni-
fræði. Sama ár hófst kennsla í meinatækni. Tekið hel'ur þrjátíu ár að koma á fullnaðarnámi til
tæknifræðiprófs í véladeild og hefur ekki enn tekist í rafmagnsdeild. Byggingatæknifræði var
Hjótlega kennd til lokaprófs og fyrstu byggingatæknifræðingarnir brautskráðust 1971.
Aðsókn í hefðbundið tækninám hefur frekar dregist saman á síðustu árum. Undantekning