Árbók VFÍ/TFÍ - 01.01.1997, Qupperneq 295

Skipulag staðlamála 293
þess að auðkenna vöru sína með svonefndu CE-merki. Þessi merking gefur til kynna að varan
teljist vera örugg og er ófrávíkjanlegt skilyrði fyrir því að vöruna megi markaðssetja á Evr-
ópska efnahagssvæðinu. Framleiðandi ber sjálfur alla ábyrgð á að varan uppfylli tilskildar
kröfur og getur þurft að sýna fram á það með samræmismati, þ.e. vottun, skoðun eða prófun-
um sem gerðar eru af óháðum aðilum. Það er síðan í verkahring stjórnvalda, eða aðila sem
þau tilnefna, að fylgjast með því að vörur á markaði séu merktar CE-merkinu, og að CE-
merktar vörur uppfylli í raun þær kröfur sem til er ætlast. Sem dæmi má nefna markaðseftirlit
nteð leikföngunt, sem óháðar skoðunarstofur hafa með höndum hérlendis í umboði stjórn-
valda.
5 Lög um staðla
Ný lög um staðla voru samþykkt á Alþingi þann 7. desember 1992 og öðluðust gildi þann 1.
janúar 1993. Samkvæmt lögunum, nr. 97/1992, var Staðlaráð íslands (STRÍ) gert sjálfstætt en
frá árinu 1987 starfaði Staðlaráð íslands hið eldra á vegum stjórnar Iðntæknistofnunar ís-
lands. f lögunum er m.a. kveðið á um hvaða meðferð skjal þarf að hafa hlotið til þess að fá
staðfestingu sem íslenskur staðall.
Staðlaráði íslands er ætlað að vera samstarfsráð þeirra sem áhuga hafa á og hagsmuna hafa
að gæta af stöðlun. Aðild að ráðinu er opin öllum hagsmunaaðilum.
í staðlalögunum er kveðið á um alþjóðlega viðurkennda merkingu hér á landi á hugtökun-
um staðall og stöðlun sem og um íslenskan staðal. STRÍ er gert að eiga aðild að alþjóðasam-
starfi staðlaráða fyrir íslands hönd. STRÍ skal gefa út Staðlatíðindi a.m.k. ársfjórðungslega.
Þar skal tilkynna ný stöðlunarverkefni og auglýsa frumvörp að stöðlum og kalla eftir athuga-
semdum um þau. Þá skal í Staðlatíðindum tilkynna um staðfestingu STRÍ á nýjum íslenskum
stöðlum. STRÍ skal halda skrá yfir alla gildandi íslenska staðla sem birta skal árlega.
6 Staðlaráð íslands
Staðlaráð íslands er opinn vettvangur með frjálsri aðild fyrir alla þá hagsmunaaðila sem vilja
taka þátt í stöðlunarvinnu hér innanlands og á alþjóðavettvangi. Enda þótt starfsemi STRÍ
grundvallist á staðlalögunum frá 1992 hefur ráðinu enn ekki verið tryggt nauðsynlegt fjár-
magn á fjárlögum til öflugrar og sjálfstæðrar starfsemi. Staðladeild Iðntæknistofnunar sá um
þessi mál samkvæmt eldri lögum en upphaflega voru þau í höndum Iðnaðarmálastofnunar
íslands. Núverandi formaður Staðlaráðs íslands er Friðrik Sigurðsson, framkvæmdastjóri
TölvuMynda hf. en framkvæmdastjóri er Jóhannes Þorsteinsson. Samtökin eru til húsa hjá
Iðntæknistofnun íslands að Keldnaholti.
6.1 Skipulag
Fagráð og fagstjórnir starfa á vegum STRÍ á tilteknum fagsviðum. Fagráðin eru sjálfstæð
staðlaráð innan vébanda STRÍ með eigin stjórnir og aðskilinn fjárhag. Þeim er ætlað að sam-
ræma og hafa frumkvæði að stöðlunarvinnu á sínu sviði. Nú eru þrjú fagráð starfandi. Bygg-
ingastaðlaráð (BSTR) var stofnað 1988, fyrst fagráða STRÍ. Náin samvinna er rnilli BSTR og