Árbók VFÍ/TFÍ - 01.01.1997, Qupperneq 310

308 ÁrbókVFÍ 1995/96
Bná og vegur yfir Nýpslón við Vopnafjörð
Nýr vegur og brú yfir Markarfljót
Nýr vegur og brú yfir Hraunsfjörð
Nýr vegur og brú yfir Kúðafljót
Þverun Dýrafjarðar með fyllingu og brú
Göng undir Breiðadals- og Botnsheiði
Nýr vegur og brú yfir Jökulsá á Brú
Nýr vegur og brú yfir Breiðdalsós
Það má gera ráð fyrir að listinn fyrir næstu 22 ár verði svipaður en lítum nánar á það í 4.
kafla.
2.2 Ökutæki
Nota má sömu aðferð til að spá um þróun ökutækja. Ef rifjað er upp hvernig bifreiðar voru
útbúnar árið 1974 kemur í ljós að breytingar til þessa dags eru almennt litlar. Það eru því lítil
efni til að spá byltingu fyrir árið 2018.
Erlendis er að vísu í gangi þróunarvinna í því sem kallað hefur verið „boðskipti umferðar“
(í Evrópu á ensku: „Road Transport Informatics", RTI eða í Bandaríkjunum „Intelligent
Vehicle / Highway Systems“, IVHS) og er það samheiti fyrir ýmiskonar tölvutækni sem á að
geta þjónað ökumönnum í framtíðinni. Þessi boðskipti skiptast í þrjá flokka:
1. Vegakerfið til ökumanns eða ökutækis
2. Ökumaður til ökumanns, ökutæki til ökutækis
3. Ökutæki til ökumanns.
Það sem gerst hefur nýtt hérlendis á undanförnum árum og flokkast með þessari tækni er
m.a.:
Bflsímar
Staðsetningartækni fyrir fjallabíla
Þriðja hemlaljósið
Hraðaaðvörun frá radar með blikkljósi við hlið vegar
Ökuritar í stærri bifreiðum
Það sem helst er verið að vinna að erlendis eru ýmiskonar leiðsögukerfi og tollgreiðslukerfi.
Þetta er tækni sem mun þjóna umferðarþunga sem er margfaldur á við það sem við komum til
með að búa við. Ég á því ekki von á að hún muni hafa mikil áhrif á umferð hér á landi næstu 22
árin. Eflaust er stutt í það að dýrari bifreiðar verði búnar öflugum tölvum sem veiti ökumanni
ýmiskonar upplýsingar en það er ekki hægt að líta framhjá því að þessari tækni eru takmörk
sett vegna kostnaðar. Hinn almenni fjölskyldubíll þarf að vera það ódýr að almenningur hafi
efni á að kaupa hann og reka. Margir ökumenn sem ekki eru aldir upp á tölvuöld eiga líka nóg
með aksturinn og öll viðbólartækni er einungis til truflunar.
3 Breyttir vegir
Áríð 1994 voru eknir rúmlega 900 milljónir kílómetra á þjóðvegakerfinu. Samkvæmt um-
ferðarspá Vegagerðarinnar verður samsvarandi tala fyrir árið 2018 um 1.100 milljónir
kflómetra. Þessi aukning krefst ekki stórkostlegra breytinga á vegstöðlum. Vegir með eina
akrein í hvora átt verða það sem við þurfum að sætta okkur við í þeirri framtíð sem hér er til
skoðunar.