Árbók VFÍ/TFÍ - 01.01.1997, Síða 317

Vegagerðin 315
Hér þarf að gera sérstaka grein fyrir vetrarviðhaldi á Vestfjörðum. Gert er ráð fyrir að
svæðið á Norðurfjörðunum, frá Þingeyri til Súðavíkur, verði eilt atvinnusvæði. Síðan er leng-
ing um Djúp og Þorskafjarðarheiði eða Steingrímsfjarðarheiði við aðra landshluta. Hér er ekki
gert ráð fyrir að á þessu 22 ára tímabili verði haldið opnum landvegi á frá Suðurfjörðunum til
annarra landshluta. Sú tenging verður Breiðafjarðarferjan eins og áður. Tenging á milli Norður-
og Suðurfjarðanna er einnig erfið. Hér er lagt til að vegur yfir Hrafnseyrarheiði verði lagfærð-
ur þannig að hægt verði að moka hann. Síðan verði stutt ferjutenging frá Hrafnseyri yfir Arnar-
fjörð til Bíldudals. I Noregi er til siðs að farið sé um fjallvegi í bflalestum. Þá fer ruðningstæki
á undan og eftirlitsbfll á eftir til að enginn týnist. Ég sé fyrir mér að rekstur ferju og snjóruðn-
ingur á heiðinni fari saman. Ferjan fer frá Bíldudal snemma morguns og á Hrafnseyri mannar
áhöfnin snjóruðningstæki og fer á undan bflalestinni til Þingeyrar. Síðan er farið eins til baka.
Farnar verða tvær ferðir á dag og þær skipulagðar þannig að þeir sem koma að norðan með
morgunferð nái Breiðafjarðarferjunni suður. Bílar sem koma með Breiðafjarðarferjunni að
sunnan ná svo seinni ferð áfram norður.
5.2 Upplýsingaþjónusta
Á undanfömum árum hefur þróast hjá Vegagerðinni mjög öflugt upplýsingakerfi. Eftirlits-
menn í héraði skrá færð beint inn í tölvu og hún sendir upplýsingarnar áfram, l.d. í textavarp
sjónvarps. Símaverðir vegaeftirlits hafa upplýsingarnar myndrænt á tölvuskjá og gerð hefur
verið tilraun með tölvuskjá hjá þjónustuaðila í Borgarnesi. Auk þessa er hægt að hringja í
talgervil til að afla upplýsinga. Hér er lagt til að Vegagerðinni verði úthlutað þriggja stafa
símanúmeri sem vegfarendur eiga auðvelt með að leggja á minnið, á sama hátt og neyðarlínan
hefur númerið 112. Er 114 ekki laust? Þetta er það mikilvæg þjónusta að ökumenn eiga ekki að
þurfa að fletta upp í símaskrá til að geta hringt úr bílsímanum og fengið nýjustu upplýsingar
um færð.
En það er ekki aðeins færðin sem er skráð í tölvu. Vegagerðin hefur sett upp mikinn fjölda
veðurstöðva sem senda upplýsingar um veður sjálfvirkt í tölvu. Þetta eru upplýsingar um raka-
stig, hitastig við veg og í tveggja metra hæð, vindstyrk og vindátt. Umferðarteljarar eru einnig
tengdir við veðurstöðvarnar. Hægt er að nálgast þessar upplýsingar á sama hátt og upplýsingar
um færðina en auk þess er farið að gera tilraunir með upplýsingaskilti við vegi. Þar má sjá upp-
lýsingar frá veðurstöð á ljósaskilti. Næsta skref verður að setja allar þessar upplýsingar á Inter-
netið.
Hér er svo lagt til að Vegagerðin hugi að viðbót við þessa þjónustu. Ör þróun er nú í gerð
stafrænna myndavéla. Það mun verða hægt að koma myndavél fyrir við veðurstöðvamar sem
tekur mynd af veginum á sama tíma og stöðin skráir veður. Myndavélin verður í kassa með
öflugum lokubúnaði þannig að linsa vélarinnar verður ber fyrir veðri í aðeins sekúndubrotið
sem það tekur að ná myndinni. Sterkt leifturljós fylgir vélinni til notkunar í myrkri. í línu út frá
myndavélinni verða merki með 10 m millibili og þannig verður hægt að meta skyggni út frá
myndinni. Allt þetta verður hægt að skoða á Internetinu. Vegfarendur geta áður en þeir leggja
af stað að heiman litið á nýjar myndir af heiðinni og upplýsingar um veður. Eftirlitsmenn
Vegagerðarinnar gælu jafnvel sparað sér ferðir með þessu.