Morgunblaðið - 09.10.2014, Side 12

Nýjar
Stærðir 38-54
Bæjarlind 1-3
201 Kópavogur
sími 571 5464
12 DAGLEGT LÍF
MORGUNBLAÐIÐ FIMMTUDAGUR 9. OKTÓBER 2014
Silja Björk Huldudóttir
silja@mbl.is
Hér ríkir heilmikil spenna,enda stutt í frumsýn-ingu,“ segir GuðmundurÓlafsson sem leikstýrir
frumuppfærslunni á nýju leikriti sínu
sem nefnist Brúðkaup og Leikfélag
Fjallabyggðar frumsýnir í Menning-
arhúsinu Tjarnarborg í Ólafsfirði á
morgun, föstudaginn 17. október, kl.
20, en önnur sýning verður sunnu-
daginn 19. október.
„Brúðkaup fjallar, eins og titill-
inn bendir til, um brúðkaup. Þetta er
sannkallað gamandrama,“ segir Guð-
mundur og heldur síðan áfram: „Í
verkinu er Herdís Eva loksins gengin
út og ætlar að ganga að eiga hann
Bjarna Þór, sem er traustur starfs-
maður Heimilistækja,“ segir Guð-
mundur og tekur fram að margt fari
úrskeiðis í brúðkaupinu. „Í fyrsta
lagi leggst séra Guðrún í lungna-
bólgu og þá verður að kalla til fyrr-
verandi sóknarprest sem er kominn
allnokkuð út úr heiminum. Það tekur
því nokkurn tíma að gefa brúðhjónin
saman á hlaðinu við gamalt félags-
heimili sem stendur úti í sveit. Síðan
er boðið til veislu inni. Það vill svo
óheppilega til að veislustjórinn er
ákaflega ástfanginn af brúðinni og
reynir hvað hann getur til að ná ást-
um hennar. Hann skilur ekkert í
stúlkunni að vilja ekki elska sig, enda
er hann í góðri stöðu hjá Arion banka
í Reykjavík,“ segir Guðmundur og
tekur fram að stórt leyndarmál setji
síðan allt í uppnám.
Allir sem vilja
fá að vera með
Stutt er síðan Guðmundur leik-
stýrði síðast eigin verki í Ólafsfirði,
því á seinasta leikári leikstýrði hann
verðlaunasýningunni Stöngin inn
sem var samstarfsverkefni Leik-
félags Ólafsfjarðar og Leikfélags
Siglufjarðar. „Á þarsíðasta leikári
ákváðu þessi tvö leikfélög að vinna
saman í fyrsta sinn, en hafa síðan
sameinast formlega undir merkjum
Leikfélags Fjallabyggðar. Brúðkaup
er því fyrsta verkefni nýja leikfélags-
ins,“ segir Guðmundur. Þess má geta
að Stöngin inn var að mati valnefndar
Þjóðleikhússins athyglisverðasta
áhugaleiksýning leikársins 2012-2013
og sýnd fyrir fullu húsi á stóra sviði
Þjóðleikhússins í júní 2013.
Von á dramatískum einleik
„Ég finn því fyrir ákveðinni
pressu núna um að jafnvel takist til í
þetta sinn,“ segir Guðmundur kíminn
og bætir við: „Þegar leikfélögin báðu
mig að skrifa aftur fyrir sig verk datt
mér fyrst í hug að skrifa um ætt-
armót, en ákvað á endanum að skrifa
frekar um brúðkaup,“ segir Guð-
mundur og tekur fram að það hafi
verið lykilatriði í sínum huga að vera
með leikrit með mörgum hlut-
verkum. „Og brúðkaup býður upp á
að vera með margar persónur. Það er
mín skoðun að sem flestir fái að vera
með af þeim sem það vilja,“ segir
Guðmundur. Alls taka rúmlega tutt-
ugu leikarar þátt í sýningunni, en auk
þess er nokkur tónlist í verkinu, bæði
leikin og sungin. „Aldursbreiddin í
leikhópnum er mikil. Þeir yngstu eru
rétt undir tvítugu og þeir elstu á átt-
ræðisaldri,“ segir Guðmundur og
tekur fram að leikhópurinn sé að
stórum hluta skipaður sömu leik-
urum og í fyrra.
„Brúðkaup er sjöunda leikritið
sem ég set upp í Tjarnarborg í Ólafs-
firði á sl. tuttugu árum og jafnframt
fjórða leikritið sem ég skrifa fyrir
heimamenn,“ segir Guðmundur og
tekur fram að sér renni blóðið til
skyldunnar þar sem hann eigi ættir
að rekja til Ólafsfjarðar.
Að sögn Guðmundar eiga leik-
ritaskrif hans að nokkru rætur að
rekja til kynjaskekkjunnar í leikbók-
menntunum. „Leikbókmenntirnar
eru þannig að þar eru oftast mun
fleiri karlhlutverk en kvenhlutverk
en kynjaskiptingin hjá áhugaleik-
félögunum er yfirleitt á hinn veginn.
Ég var orðinn svo þreyttur á að finna
leikrit sem hentuðu leikhópunum að
ég fór bara sjálfur að skrifa,“ segir
Guðmundur og viðurkennir fúslega
að sér finnist gaman að leikstýra eig-
in verkum. „Ég ber ekki alltof mikla
virðingu fyrir leikskáldinu og breyti
óhikað textanum eftir þörfum í sviðs-
vinnunni.“
Spurður hvað sé framundan hjá
sér segist Guðmundur vera farinn að
huga að uppsetningu á nýju verki eft-
ir sig í febrúar sem ber vinnuheitið
Tenórinn II – Hvar hafa dagar lífs
þíns lit sínum glatað en það er fram-
hald á Tenórnum sem Guðmundur
frumsýndi fyrir rúmum áratug og lék
síðast í október í fyrra. Þetta nýja
verk verður sýnt í Iðnó.
„Sannkallað gamandrama“
Skrautlegur hópur Hér má sjá prúðbúna leikara sem og aðstandendur Brúðkaups á góðri stundu, en stemningin í hópnum er mjög góð.
Fjölhæfur Guðmundur Ólafsson er leikari, leikstjóri og leikskáld.
Leikfélag Fjallabyggðar
frumsýnir Brúðkaup eftir
Guðmund Ólafsson í leik-
stjórn höfundar í Tjarn-
arborg. „Ég ber ekki alltof
mikla virðingu fyrir leik-
skáldinu,“ segir leikstjór-
inn.
Guðmundur Ólafsson, leikari og
leikstjóri, hefur á umliðnum ár-
um skrifað bæði leikrit og bæk-
ur. Meðal leikrita hans eru 1932
sem sett var upp í Borgarleik-
húsinu árið 1991, Barið í brest-
ina sem Leikfélag Ólafsfjarðar
setti upp árið 2003, Tenórinn
sem settur var upp í Iðnó árið
2003 og Stöngin inn sem Leik-
félag Ólafsfjarðar og Leikfélag
Siglufjarðar settu upp, en upp-
setningin var að mati valnefnd-
ar Þjóðleikhússins valin athygl-
isverðasta áhugaleiksýning
leikársins og leikin á stóra sviði
Þjóðleikhússins sumarið 2013.
Guðmundur er sennilega
þekktastur fyrir þrjár bækur
sínar um þá félaga Emil og
Skunda, en hann hlaut Íslensku
barnabókaverðlaunin 1986 fyrir
fyrstu bókina í þeim flokki. Árið
1987 sendi Guðmundur frá sér
bókina Klukkuþjófurinn klóki
og 1998 Heljarstökk afturábak
en fyrir þá bók hlaut hann
fyrstur höfunda Íslensku
barnabókaverðlaunin öðru
sinni.
Skapari Em-
ils og Skunda
VERÐLAUNAHÖFUNDURINN
GUÐMUNDUR ÓLAFSSON
Ekki er ráð nema í tíma sé tekið, gæti átt vel við hjá dans-
hópnum „The Radio City Rockettes“ í New York-borg sem
æfir nú á fullu fyrir hina árlegu jólasýningu sem verður í risa-
byggingunni Rockefeller Center. Fyrsta sýningin verður eftir
mánuð, í byrjun nóvember, en sú síðasta hinn 31. desember.
Sýningarnar verða hvorki meira né minna en 202 svo það er
eins gott að stúlkurnar séu í góðu dansformi og með allt á
hreinu í steppdansinum.
Allt frá því árið 1925 hefur þessi jóladanssýning verið ár-
legur viðburður í Rockefeller Center en upphaf sitt á dans-
sýningin í Englandi árið 1885, þegar John nokkur Tiller setti
saman hóp af dansandi stúlkum sem röðuðu sér í beina línu
og dönsuðu nýtt afbrigði af steppdansi.
Á hverju ári bíða margir spenntir eftir þessari sýningu.
202 sýningar allt til enda desember
Æft á fullu fyrir stepp-
dans jólasýningarinnar
Kattliðugar Þær geta heldur betur teygt fæturna.