Morgunblaðið - 09.10.2014, Side 24

24 FRÉTTIRInnlent
MORGUNBLAÐIÐ FIMMTUDAGUR 9. OKTÓBER 2014
Skipholti 3 - Sími: 552 0775 - www.erna.isERNA GULL- OG SILFURSMIÐJA
Falleg
jólgjöf
frá Ernu
Handsmíðaðir íslenskir
silfurmunir í 90 ár
Serviettuhringurinn 2014
Verð: 12.500
Jólaskeiðin 2014
Silfurmunir og skartgripir síðan 1924
)(hönnun Sóley Þórisdóttir
Verð: 19.500
Skeiðin
er smíðuð
á Íslandi úr
ósviknu silfri.
Baldur Arnarson
baldura@mbl.is
Hjálmar Sveinsson, formaður umhverfis- og skipulags-
ráðs, segir eigendur Höfðatorgs hafa þann möguleika að
opna veitingastað á 16. hæðinni.
„Umsögn ráðsins er endanleg í þeim skilningi að við
segjum, það er fín hugmynd að hafa útsýnishæð, svo-
nefndan „skybar“, en framkvæmdaaðilinn hefur þá 16
hæðir og getur þá notað 16. hæðina til þess.
Ef viðkomandi framkvæmda- og rekstraraðilar telja
að það sé góð viðskiptahugmynd að vera með svona út-
sýnishæð og að það sé gott fyrir borgarbúa að hafa að-
gengi að slíkri hæð þá veitir þessi bókun okkar heimild
til þess. En við föllumst hins vegar ekki á að það sem
þeir sóttust eftir, að tylla einni hæð ofan á húsið, 17.
hæðinni. Við segjum að þeir geti notað það rými sem er
samþykkt í deiliskipulaginu. Það var smá Salómons-
dómur. Það var rætt heilmikið um kosti og galla þess-
arar hugmyndar og þetta varð niðurstaðan, að hafna
þessu ekki heldur leyfa það með þessum hætti.“
Þótti gluggasetningin vera einsleit
– Hvaða kosti sáuð þið við þessa hugmynd?
„Þetta kemur til af því að mörgum í umhverfis- og
skipulagsráði fannst þetta hús líta út fyrir að verða svo-
lítið einsleitt. Það er einsleit gluggasetning og yfirbragð-
ið allt grátt, ef til vill í anda minimalisma.
Við nefndum það við þá hvort hægt væri að brjóta
þessa einsleitni upp og þá koma þeir fram með þessa
hugmynd, sem er svolítið djörf. Þeir koma með gulan
kubb ofan á húsið sem skagar aðeins út úr, eins og hon-
um sé tyllt vitlaust ofan á bygg-
inguna, til að brjóta hana upp. Það
átti að gera þetta sjónrænt skemmti-
legra. Númer tvö, sem er ekki síður
sannfærandi, þá myndu borgarbúar
fá útsýnisstað sem væri þá opinn öll-
um. Þá verður þetta staður sem verð-
ur ekki aðeins fyrir hótelgesti, heldur
líka borgarbúa. Þetta voru kostirnir.
Ókostirnir voru þeir að fara að breyta
deiliskipulagi á húsi sem mörgum
þykir nú þegar ansi stórt.“
Hjálmar segir aðspurður að það hafi einnig verið
sjónarmið að skapa ekki fordæmi með því að fallast á við-
bótarhæð, eftir að skipulag var samþykkt. Horfa þurfi til
jafnræðisreglu í þeim efnum.
Almenningsrýmið væri torg milli húsanna
Fyrir utan Höfðatorgsturninn, sem er 19 hæðir, og
Fosshótel-turninn, sem verður 16 hæðir, stendur til að
reisa 12 hæða íbúðaturn og tvo lægri skrifstofuturna á
austari hluta lóðarinnar. Efstu hæðir þessara bygginga
verða að óbreyttu ekki opnar almenningi.
Spurður út í þá staðreynd að hið mikla útsýni yfir
sundin verði þannig aðeins fyrir starfsfólk og íbúa segir
Hjálmar að þegar reiturinn var skipulagður sumarið
2006 hafi verið lögð mikil áhersla á að almenningsrýmið
væri torg milli húsanna, ekki útsýnishæðir á efstu hæð-
um háhýsanna fimm á reitnum.
Fram hefur komið að Eykt undirbúi framkvæmdir
við 12 hæða íbúðaturn með 80 íbúðum við hlið hótelsins
og er áformað að hefja þá uppbyggingu síðar í haust.
Vildu brjóta upp grátt
yfirbragð hótelturnsins
 Skipulagsráð var hlynnt breytingu en hafnaði útfærslu
Hjálmar
Sveinsson
Baldur Arnarson
baldura@mbl.is
Umhverfis- og skipulagsráð Reykja-
víkur féllst ekki á hugmyndir félags-
ins Höfðatorgs um að bæta einni
hæð ofan á hótelturn sem er langt
komin í byggingu á Höfðatorgi. Ætl-
unin var að bæta 17. hæðinni ofan á
turninn og hafa þar veitingaaðstöðu
með miklu útsýni yfir miðborg
Reykjavíkur og sundin.
Turninn verður 16 hæða og er
uppsteypa á honum langt komin.
Flaggskip Fosshótels-keðjunnar
verður opnað þar í byrjun næsta
sumars, með 340 herbergjum.
Eins og meðfylgjandi teikningar
sýna hafði félagið Höfðatorg látið
gera frumdrög að 17. hæð ofan á hót-
elið. Þar áttu að vera stórir gluggar
með góðu útsýni.
Ljósmyndin hér til hliðar sýnir
turninn eins og hann leit út í gær.
Hallgrímur Magnússon,
byggingarstjóri Höfðatorgs, segir
unnið að því að steypa upp 15. hæð-
ina. Hann væntir þess að 16. og efsta
hæðin verði steypt upp í nóvember
og að síðar í nóvember verði búið að
loka öllu húsinu með gluggum. Sam-
kvæmt heimildum Morgunblaðsins
mun efsta hæðin, sú 16., líta út eins
og hæðirnar fyrir neðan. Það þýðir
að 16. hæðin verður ekki hönnuð
með það í huga að þar séu útsýnis-
gluggar ætlaðir almenningi. Það
vekur því athygli að í umsögn um-
hverfis- og skipulagsráðs segir að vel
sé hægt að opna slíka veitingaað-
stöðu á 16. hæðinni.
Tekið undir með fagrýnihópi
„Umhverfis- og skipulagsráð
fagnar hugmynd um að breyta efstu
hæð hótels við Borgartún 8-16 í svo-
kallaðan „skæbar“. Ráðið tekur und-
ir niðurstöðu fagrýnihóps um að
æskilegt sé að efsta hæð hússins
verði opin fyrir almenning. Ekkert
er því til fyrirstöðu að þeim mark-
miðum verði náð innan ramma gild-
andi deiliskipulags hvað varðar
fjölda hæða byggingarinnar. Ekki er
hægt að fallast á að nauðsynlegt sé
að bæta 17. hæðinni við ofan á hót-
elið til að koma megi fyrir slíkri veit-
ingaaðstöðu á efstu hæð.“
Höfnuðu útsýnishæð á Höfðatorgi
 Umhverfis- og skipulagsráð féllst ekki á ósk verktaka um að bæta 17. hæðinni við Fosshótels-turninn
 Á 17. hæðinni átti að vera veitingaaðstaða með miklu útsýni  Hæðin hefði verið opin almenningi
Frumdrög Veitingaaðstaðan á 17. hæðinni í Fosshótel-turninum hefði orðið glæsileg. Hluti hennar hefði skagað fram af turninum. Hæðin hefði orðið kennileiti í borgarlandslaginu.
Tjáir sig ekki
» Pétur Guðmundsson, for-
stjóri Eyktar og eigandi Höfða-
torgs ehf., baðst undan viðtali
vegna málsins.
» Fram hefur komið að kostn-
aður við byggingu Fosshótels-
turnsins sé um 8 milljarðar.
» Ætlunin er að opna þar 340
herbergja hótel í upphafi
næsta sumars.
Tölvuteikningar/PK Arkitektar
Morgunblaðið/Eggert
Hótelturninn Framkvæmdirnar hófust í nóvember 2013 er áformað að þær
taki 18 mánuði. 200 til 300 manns vinna að jafnaði við framkvæmdirnar.