Morgunblaðið - 09.10.2014, Qupperneq 58

58 FRÉTTIRErlent
MORGUNBLAÐIÐ FIMMTUDAGUR 9. OKTÓBER 2014
Eitt helsta tákn Parísar, Eiffel--
turninn, hefur tekið breytingum og
glergólf prýðir nú neðstu hæðina
sem var tekin í notkun að nýju á
mánudaginn var. Vonast er til þess
að breytingarnar auki áhuga gesta
á að skoða sig um á fyrstu hæðinni
en hún er sá hluti turnsins sem hef-
ur notið minnstrar hylli til þessa.
Flestir gesta turnsins hafa farið
upp á efstu hæðina sem er í 325
metra hæð.
Með glergólfinu á fyrstu hæðinni
má búast við því að einhverjum
gestum verði um og ó þegar þeir
horfa niður í gegnum gólfið sem er
57 fermetrar að stærð. „Það fer
svolítið um mann á glergólfinu, þótt
glerið sé sterkt,“ sagði einn gest-
anna.
Breytingarnar kostuðu 30 millj-
ónir evra, jafnvirði 4,5 milljarða
króna, og hafa tekið tvö ár. Meðal
annars hafa verið settar upp versl-
anir, veitingastaðir og safn þar sem
saga turnsins, sem er 125 ára gam-
all, er sögð á sjö risaskjáum.
Eiffel-turninn var byggður úr
járni fyrir heimssýninguna árið
1889 og í 40 ár var hann hæsta
bygging heims, eða allt þar til
Chrysler-byggingin reis í New
York árið 1930.
AFP
Ekki fyrir lofthrædda Starfsmaður hreinsar nýtt glergólf Eiffel-turnsins í París eftir breytingarnar á byggingunni.
„Það fer svolítið um mann“
 Breytingar á
Eiffel-turninum
Heimildir:
SETE, Agence Moatti-Rivière
Hafist var handa við endurbætur og breytingar á turninum árið 2012
Kostnaður:
4,5
milljarðar
króna
Gestir:
6,74
milljónir
árið 2013
Tveir nýir
glerskálar
Ferrie-
skálinn
Fyrir ýmsa viðburði,
t.a.m. í listum, á
tveimur hæðum
Eiffel-skálinn
Ráðstefnusalur
(hæð: 6,8 m)
1
2
Öryggis-
hindrun
úr gleri
Glergólf
er á
neðstu
hæðinni
Endurbætur
á biðstofum
og lyftum
Vindhverflar
Sólarrafhlöður
Regnvatn fyrir salerni
Eiffel-turninum breytt
Sjálfbær tækni:
57 m
324 m
Bogi Þór Arason
bogi@mbl.is
Óhjákvæmilegt er að ebólusmit komi
upp í Evrópu en hættan á ebólu-
faraldri í álfunni er mjög lítil, að
sögn Zsuzsanna Jakab, sem stjórnar
starfsemi Alþjóðaheilbrigðisstofn-
unarinnar (WHO) í Evrópu.
„Það er óhjákvæmilegt að ebóla
stingi sér niður í Evrópu vegna ferða
milli álfunnar og landanna þar sem
faraldurinn geisar. Hins vegar er
hægt að afstýra því að veiran breið-
ist út í Evrópu og hættan á að það
gerist er mjög lítil,“ sagði Jakab.
Sex manns eru nú í sóttkví á
sjúkrahúsi í Madríd eftir að hjúkr-
unarfræðingur smitaðist af ebólu-
veirunni. Hjúkrunarfræðingurinn,
fertug kona, hafði hjúkrað tveimur
spænskum trúboðum sem smituðust
af veirunni í Vestur-Afríku og voru
fluttir á sjúkrahúsið í Madríd.
Læknir hjúkrunarkonunnar sagði
í gær að talið væri að hún hefði smit-
ast þegar hún fór úr hlífðarbúningi
sínum og snerti andlitið með hanska.
Á meðal þeirra sem eru í sóttkví á
sjúkrahúsinu eru eiginmaður kon-
unnar og tveir aðrir hjúkrunarfræð-
ingar. Um 52 til viðbótar, flestir
þeirra starfsmenn sjúkrahússins,
verða undir eftirliti lækna í varúðar-
skyni.
Yfir 200 heilbrigðis-
starfsmenn látnir
Alls hafa 3.439 dáið af völdum
ebóluveirunnar í Vestur-Afríku það
sem af er árinu, þar af yfir 200 heil-
brigðisstarfsmenn, að sögn tímarits-
ins Time.
Ebólufaraldurinn hefur valdið
Vestur-Afríkuríkjunum Líberíu,
Síerra Leóne og Gíneu miklu efna-
hagslegu tjóni. Alþjóðabankinn
áætlar að tjónið geti numið 32 millj-
örðum dala, jafnvirði rúmra 3.800
milljarða króna, fyrir lok næsta árs
ef ekki tekst að hefta útbreiðslu
sjúkdómsins og afstýra því að hann
berist til fleiri ríkja í Vestur-Afríku.
Heimavarnaráðuneyti Bandaríkj-
anna hefur ákveðið að auka eftirlit
með farþegum flugvéla sem koma
frá Líberíu, Síerra Leóne og Gíneu.
M.a. verður athugað hvort þeir séu
með hita og þeim verður gert að
svara spurningum eftirlitsmanna.
Skýrt var frá því í gær að Banda-
ríkjamaðurinn Thomas Eric Duncan
hefði látist af völdum ebólu á sjúkra-
húsi í Texas. Duncan smitaðist af
ebólu í Líberíu þegar hann hélt á 19
ára barnshafandi stúlku heim af
sjúkrahúsi eftir að henni var vísað
frá vegna plássleysis. Þetta er fyrsta
dauðsfallið í Bandaríkjunum af völd-
um faraldursins.
AFP
Skæð farsótt Sjálfboðaliðar í Freetown, höfuðborg Síerra Leóne, sækja lík
fólks sem dó af völdum ebólu sem hefur kostað nær 3.500 manns lífið.
Lítil farsóttar-
hætta í Evrópu
 Eftirlit með farþegum hert vestra
Bretar senda sjúkraskip
og þyrlur
» Bretar ætla að senda sjúkra-
skip, þrjár þyrlur og 750
manna herlið til Síerra Leóne
til að taka þátt í baráttunni
gegn ebóluveirunni.
» Sjúkraskipið verður notað til
að lækna ebólusjúklinga og
nota á þyrlurnar til að flytja
lækna á svæði þar sem þeirra
er þörf.
Margir virtu
blóðmánann, al-
myrkva á tungli,
fyrir sér í gær, en
hann mátti sjá
frá vesturhluta
Norður-
Ameríku, Kyrra-
hafinu, austur-
hluta Ástralíu og
Asíu. Máninn sást
ekki frá Íslandi.
Almyrkvi á tungli verður þegar
tunglið fellur inn í skuggann sem
jörðin varpar á tunglið en þetta er í
eina skiptið sem skuggi jarðar fell-
ur á tunglið. Þetta gerist aðeins
þegar tunglið er fullt. Rauði lit-
urinn skýrist af ljósdreifingu, þ.e.
ljós frá sólinni berst í gegnum loft-
hita frá jörðinni, dreifist og verður
rautt. Ljósið fer til tunglsins, end-
urvarpast á yfirborðinu og þá sést
ljósið frá öllum sólarupprásum og
sólsetrum jarðarinnar.
larahalla@mbl.is
ALMYRKVI Á TUNGLI
Margir sáu blóð-
mána á himni
Máninn sést hér frá
Indlandi.
Náðu þér í aukin ökuréttindi
Fagmennska og ökufærni í fyrirrúmi
Öll kennslugöng innifalin
www.bilprof.is
Upplýsingar og innritun í síma 567 0300 og 894 2737 • Opið 10-17 alla daga
Næsta
námskeið
hefst
15. okt.
ÖKUSKÓLINN Í MJÓDD – yfir 40 ár í fagmennsku
Meirapróf
Þekking og reynsla
í fyrrirúmi