Morgunblaðið - 09.10.2014, Page 68

68 UMRÆÐAN
MORGUNBLAÐIÐ FIMMTUDAGUR 9. OKTÓBER 2014
Smiðjuvegi 9, 200 Kópavogi ■ Sími 535 4300 ■ axis.is ■ Opið: mán. - fös. 9:00 - 18:00
Fataskápur
Hæð 2100 mm
Breidd 800 mm
Dýpt 600 mm
Tegund: Strúktúr eik
TIL Á LAGER
S KÁPATI LB OÐ
Verð58.900,-m. vsk.
570 4800
Grensásvegur 13 - 2. hæð
Reykjavík - gimli@gimli.is
Árni Stefánsson, viðskiptafræðingurFASTEIGNASALA
Vorum að fá í einkasölu
gott 166 fm parhús á einni
hæð. Húsið sem byggt er
árið 1994 er timburhús með
múrsteinsklæðningu. Þrjú
rúmgóð herbergi. Stór björt
stofa og borðstofa. Stór
timburverönd til suðurs og
fallegur garður. Innbyggður
28 fm bílskúr með góðri
lofthæð. Verð 44,5 millj.
246 fm parhús á þremur
hæðum, m/bílskúr og auka-
íbúð í kjallara. Stór og góð
stofa með suðurverönd.
Þrjú svefnherbergi. Gesta-
snyrting. Flísalagt baðherb-
ergi. Aukaíbúð: Svefnherb-
ergi, stofa, eldhús, þvottahús
og geymsla. Eign á góðum
stað í fallegu hverfi. LAUS
STRAX. Verð 40,5 millj.
Falleg 151,4 fm íbúð á
tveimur hæðum á þessum
eftirsótta stað í Smáranum
Kópavogi. Fimm góð svefn
herbergi. Stofa með mikilli
lofthæð, fallegur arinn. Góð
viðarinnrétting í eldhúsi.
Þvottahús innan íbúða. Íbúð-
in er laus við kaupsamning.
Stutt í skóla og alla þjónustu.
Verð 36,9 millj.
VIÐARÁS - PARHÚS Á EINNI HÆÐ
SKÓLAGERÐI - PARHÚS
LINDASMÁRI 45 - FIMM SVEFNHERBERGI
OP
IÐ
HÚ
S
Traust þjónusta í 30 ár
OPIÐ HÚS Í DAG FIMMTUD.
9. OKT. FRÁ KL. 17:30-18:00
Skógræktarfélag Ís-
lands, ásamt sex skóg-
ræktarfélögum á Vest-
fjörðum, ályktaði
nýlega með upp-
byggðum vegi um
Teigsskóg í vest-
anverðum Þorskafirði
og þar með á móti
verndun eins elsta og
heillegasta, villta birki-
skógar á Vestfjörðum.
Sigurður Blöndal, sá mikli skóg-
ræktarfrömuður, segir í ferðalýs-
ingu frá 1980: „Skoðuðum Teigs-
skóg. Stórkostlega fallegt
náttúrufyrirbæri. Samfellt kjarr.
Hæst 4-5 m. Jarðvegur mest frá-
bær.“ Og birkinefndin sem um-
hverfisráðherra skipaði árið 2006
með aðild Skógræktarfélags Íslands
komst að því að: „Gamlir íslenskir
birkiskógar eru auðlind, sem fela í
sér bæði náttúru og nýtingararfleifð
sem ekki er annars staðar að finna.“
Skógræktarfélögin telja aftur á
móti fagvinnu Skipulagsstofnunar
og rök allra þeirra sem lýst hafa
kjarrskóg þennan vera gersemi sem
beri að vernda „haldlaus rök, notuð
sem yfirvarp“. Í ályktun þeirra
kemur einnig fram að eyðing sex
hektara af gamalgrónum birkiskógi
verði að teljast „óverulegur skaði“.
Berum það saman við verðmætamat
Skógræktarfélags Reykjavíkur
vegna tjóns sem varð á ræktuðum
barrskógi í Heiðmörk árið 2007 við
vatnsveituframkvæmdir Kópavogs-
bæjar. Félagið fór í mál vegna þessa
og fékk með dómi tæpar 19,5 millj-
ónir króna í bætur fyrir 559 tré sem
fjarlægð voru, 35 þúsund fyrir hvert
tré.
Þéttleiki trjáa í villtum birkiskógi
er oft á bilinu 3500-5500 tré á hekt-
ara. Á sex hekturum geta því vaxið
30 þúsund birkitré. Ef við notum
sama verð og Skógræktarfélag
Reykjavíkur fékk fyrir trén í Heið-
mörk leggja sex hektarar í Teigs-
skógi sig því á tæpan milljarð og allt
í einu eru jarðgöng undir Hjallaháls
orðin samkeppnisfær í verði; það
eru nefnilega aðrar góðar vegteng-
ingar færar á sunn-
anverðum Vest-
fjörðum en bara um
Teigsskóg.
Margir munu lík-
lega blása á þessa rök-
semdafærslu og það
skal fúslega við-
urkennt að ekki er um
nákvæma hagfræði að
ræða. Að mati grein-
arhöfundar eru þó
margra áratuga gömul
birkitré ekki síður
verðmæt en ræktuð barrtré á sama
aldri. Eyðilegging 30 þúsund birki-
trjáa er þó ekki aðalatriði þessa
máls heldur það að gamalgróið vist-
kerfi Teigsskógar verður rofið með
uppbyggðum þjóðvegi. Í því sam-
bandi gildir einu hvar í skóginum
vegurinn liggur.
Ofangreind ályktun skógrækt-
arfélaganna lýsir miklum hroka og
er dapurleg í ljósi þess að einn helsti
tilgangur Skógræktarfélags Íslands
við stofnun árið 1930 var að berjast
fyrir verndun villtra birkiskóga.
Hvað rekur þá forystumenn félag-
anna til að álykta svona árið 2014?
Gera þau ekki greinarmun á villtum
birkiskógi og nýrækt? Finnst þeim
of mikið af gamalgrónum birkiskóg-
um í landinu? Undirritaður getur
ekki svarað þessum spurningum en
fullyrðir að með þessu hafi skóg-
ræktarfélögin dæmt sig úr leik í
umræðu um sjálfbæra og heilbrigða
landnýtingu. Og hér eftir verður
erfitt að taka mark á fagurgala
þeirra um mikilvægi nátt-
úruverndar og endurheimtar birki-
skóga.
Heggur sá
er hlífa skyldi
Eftir Snorra
Baldursson
» Skógræktarfélögin
telja aftur á móti
rök þeirra sem lýst
hafa Teigsskóg gersemi
sem beri að vernda,
„haldlaus rök, notuð
sem yfirvarp“.
Snorri Baldursson
Höfundur er líffræðingur og
áhugamaður um náttúruvernd
Það er með ólík-
indum, að þingmaður
Sjálfstæðisflokksins,
Vilhjálmur Árnason,
sem segist aldrei hafa
drukkið áfengi og ætli
sér ekki að gera það í
framtíðinni, skuli hafa
tekið að sér það skað-
væna hlutverk um út-
breiðslu áfengis með
frumvarpi á Alþingi um
sölu áfengis í matvörubúðum. Þeir,
sem ekki treysta sér til að lífa án
áfengis hljóta að láta það nægja að
nálgast áfengi í verslunum ÁTVR, en
hafa það umfram allt hugfast, að
áfengi er talið hættulegasta eiturlyfið
að dómi þeirra, sem mesta þekkingu
hafa á sviði fíkniefnamála. Lands-
flokkur Sjálfstæðisflokksins hafði áð-
ur samþykkt sölu áfengis í mat-
vörubúðum.
Þetta frumvarp er hrein aðför að
áfengisvörnum, en augljóst, er að
áfengisdrykkja mun aukast, ef frum-
varpið verður að lögum og um leið
vaxa það mikla tjón og aðrar hörm-
ungar sem áfengið veldur. Með frum-
varpi þessu er ekki farið að ráðlegg-
ingum sérfræðinga t.d. hjá Alþjóða
heilbrigðisstofnuninni, en sú stofnun
mælir með því að takmarka aðgengi
að áfengi til að draga úr neyslu þess.
Þá er einnig ekki framfylgt þeirri
ályktun Norðurlandaráðs á sl. ári að
hvetja þjóðir Norðurlanda til að
minnka áfengisneyslu á næstu árum.
Verðlagning á áfengi verður óbreytt
samkvæmt frumvarpi að fjárlögum
meðan matarverð verður stór-
hækkað. Þetta er óréttlát mismunun,
en verðlagning á áfengi er eitt af ráð-
um sérfræðinga til að draga úr áfeng-
isdrykkju.
Vafalaust er verið að þjóna hags-
munum framleiðenda áfengis og
sumra verslana með
sölu áfengis í mat-
vörubúðum og óskum
þeirra sem vilja nálgast
áfengi á sem auðveld-
astan hátt. Ekki virðast
þó allir verslunareig-
endur vera áhugasamir
um slíka sölu. Eins og
fram kemur í blaða-
viðtali við versl-
unarstjóra Fjarð-
arkaupa sem segir: „Ég
er í sjálfu sér ekki viss
um, að það sé heppilegt
skref að færa áfengið inn í kjörbúð-
irnar, mér þykir það mjög tvíbent.“
Margir kjósendur Sjálfstæðisflokks-
ins eru vafalaust mjög óánægðir með
þessa stefnu síns flokks í áfeng-
ismálum og íhuga, hvort flokkurinn
verðskuldi stuðning þeirra í framtíð-
inni.
Afstaða annarra flokka
Það er sómi fyrir Vinstri græna að
hafa það sem flokksstefnu að vera á
móti áfengi í matvörubúðum. Jafn-
aðarmenn í Samfylkingunni ættu að
minnast þess, að verkalýðsleiðtogar
fyrri ára voru einbeittir í baráttunni
gegn áfengisbölinu, svo og sumir leið-
togar Alþýðuflokksins.
Það er gleðiefni, að Sigmundur
Davíð Gunnlaugsson hefur lýst sig
mótfallinn nefndu áfengisfrumvarpi
og ættu aðrir framsóknarmenn á al-
þingi að fylgja hans góða fordæmi. Þá
gleymist ekki, að Ólafur Jóhann-
esson, fv. forsætisráðherra, hvatti í
áramótaávarpi til þjóðarinnar til þess
að hafin yrði barátta gegn áfeng-
istískunni. Og ekki verður minningu
hins mikilsvirta fyrrverandi ráðherra
Vilhjálms Hjálmarssonar betur
minnst en að hafna nefndu frum-
varpi, en hann veitti aldrei vín í sínum
veislum.
Flokkur sem kennir sig við Bjarta
framtíð stendur ekki undir nafni ef
hann beitir sér fyrir sölu áfengis í
matvörubúðum, sem yrði dimmur
skuggi á bjarta framtíð og velferð
þjóðarinnar. Það er sorglegt, að í dag
virðast viðhorf kvenna til áfeng-
isdrykkju vera önnur en áður var, en
þá stóðu kvennasamtök einhuga í
barráttu gegn útbreiðslu áfengis. Nú
hafa nokkrar konur stofnað til fé-
lagsskapar kvenna sem hafa áhuga á
bjórdrykkju. Verra fordæmi gefa
mæður ekki börnum sínum en halda
tryggð við Bakkus með ófyrirsjáan-
legum afleiðingum fyrir börnin.
Athyglisvert ávarp
Á árinu 1981 var birt ávarp til þjóð-
arinnar um baráttu gegn áfengisböl-
inu frá 49 alþingismönnum, Sig-
urbirni Einarssyni, biskupi, Vigdísi
Finnbogadóttur, forseta Íslands, og
Ólafi Jóhanni Sigurðssyni, rithöfundi.
Þar segir m.a.: „Íslenska þjóðin verð-
ur að snúast gegn áfengi sem öðrum
fíkniefnum. Við hvetjum fólk til að
endurskoða áfengisvenjur sínar og
viðhorf til vínneyslu, draga úr eða
hafna henni algerlega.“
Það væri þarft framlag hjá forseta
Íslands og biskupi þjóðkirkjunnar að
undirstrika með ávarpi framangreind
aðvörunarorð, hvetja börn og ung-
linga til að drekka aldrei áfengi og
þingmenn til að fella frumvarpið um
sölu áfengis í matvörubúðum. Heil-
brigt þjóðfélag fær ekki að þróast,
meðan mengað mannlíf af völdum
áfengis og annarra fíkniefna fær
óhindrað að lama vilja fólks til heil-
brigðra lífshátta.
„Meðan áfengi er örlagaríkt þjóð-
félagsböl á það ekki við, að kristnir
menn áskilji sér undanþágu í þæg-
indaskyni eða vegna smekksatriða“
eru orð úr bók um áfengismál eftir
Thorsten Behling. Megi þessi áminn-
ing vekja ábyrgðartilfinningu hjá
þingmönnum, áður en þeir taka af-
stöðu til áfengissölu í matvörubúðum,
og megi þeir sýna þá þjóðhollustu að
hafna fyrrnefndu frumvarpi.
Aðför að áfengisvörnum
Eftir Árna
Gunnlaugsson »Með frumvarpi þessu
er ekki farið að ráð-
leggingum sérfræðinga
t.d. hjá Alþjóða heil-
brigðisstofnuninni.
Árni Gunnlaugsson
Höfundur er hæstaréttarlögmaður.