Læknablaðið - 15.04.2007, Page 45

ÞING SKURÐLÆKNA, SVÆFINGA- OG GJÖRGÆSLULÆKNA / ÁVARP
Verið velkomin
á sameiginlegt vísindaþing Skurðlæknafélags íslands og Svæfínga- og gjörgæslulæknafélags íslands
Þaö er okkur sérstök ánægja að kynna 9. sameiginlega ársþing
Skurðlæknafélags íslands og Svæfinga- og gjörgæslulæknafélags
Islands. Þingið verður haldið í nýuppgerðum salarkynnum Hótel
Sögu og hátíðarsal Háskóla íslands. Mikil vinna hefur verið lögð
í undirbúning þess. Auk stjórna félaganna hefur ráðstefnufyr-
irtækið Congress Reykjavík haft með höndum skipulag þingsins.
Samstarfið við Congress Reykjavík hefur verið sérlega ánægju-
legt og vonandi hefur okkur tekist að þróa þingið áfram til hins
betra. Nýbreytni í ár er að við báðum þátttakendur að skrá sig
fyrirfram eða við upphaf þingsins. Skráningargjaldi er stillt í hóf
(1000 kr) og læknanemar, unglæknar og hjúkrunarfræðingar
greiða ekki þátttökugjald. í ár koma háls-, nef- og eyrnalæknar
auk bráðalækna að skipulagningu þingsins sem vonandi á eftir
að auka aðsókn. Einnig vonumst við til að sjá sem flesta kven-
sjúkdómalækna á þinginu, enda handlækningar stór hluti af
starfi margra þeirra. Þingið í ár er óvenjustórt í sniðum, enda á
Skurðlæknafélagið 50 ára afmæli á þessu ári. Af því tilefni verður
hátíðardagskrá í hátíðarsal HI eftir hádegi á laugardeginum. Þar
verða stutt ávörp og mun sérstakur gestur þingsins, prófessor
Bill Heald, sem er heimsþekktur fyrir skurðaðgerðir á ristli- og
endaþarmi, halda heiðursfyrirlestur. Boðið verður upp á mál-
þing um ýmis efni innan skurð-, svæfinga- og gjörgæslulækninga.
Þar má nefna nýjar áherslur í vökvameðferð kringum aðgerðir,
notkun sogsvamps við skurðsýkingar, meðferð vélindarofs, mál-
þing um greiningu og meðferð andlitsáverka og hvort víkka
eigi út gjörgæslumeðferð á legudeildir. Til landsins hefur verið
boðið 9 erlendum fyrirlesurum sem munu leiða málþingin sem
haldin verða á ensku. En á þinginu verður ekki einungis boðið
upp á hreina læknisfræði.Til dæmis mun Haraldur Örn Ólafsson,
Everest- og pólfari, flytja fyrirlestur um síðasta áfangann á
Everestfjall. Haraldur er áhugamaður um háfjallalæknisfræði og
mun segja frá baráttu sinni við kulda og háfjallaveiki við þessar
gríðarlega erfiðu aðstæður. Enginn ætti að missa af þessu erindi
Haraldar en auk hæsta fjalls veraldar hefur hann lagt að velli alla
Stjórn Skurðlœknafélags íslands
Tómas Guðbjartsson, formaður
Helgi H. Sigurðsson, varaformaður
Þorvaldur Jónsson, ritari
Fritz Berndsen, gjaldkeri
Hulda Brá Magnadóttir, meðstjórnandi
sjö hæstu tinda hverrar heimsálfu að ógleymdum bæði suður- og
norðurpól!
Einn mikilvægasti hluti þingsins er kynning á vísindavinnu.
í ár bárust hátt í 80 erindi sem er umtalsvert meira en á fyrri
þingum. Ánægjulegt er að sjá hversu mörg erindi bárust frá
læknanemum og unglæknum í sérnámi. Flest ágripanna verða
kynnt með stuttum erindum en tæpur þriðjungur sem vegg-
spjöld. Veggspjaldakynning er því fyrirferðarmeiri en á fyrri
þingum. Gengið verður milli veggspjaldanna á föstudag, höfund-
ar kynna þau stuttlega og standa síðan fyrir svörum. Með þessu
móti vonumst við til að hleypa auknu lífi í umræðurnar og auka
fjölbreytni á þinginu.
Önnur nýbreytni er að þrjú bestu erindi ungra vísindamanna
munu keppa til verðlauna. Sérstök vísindanefnd félaganna fékk
það verkefni að velja þrjú erindi af þeim sem send voru á þingið.
Öll ágrip ungra vísindamanna á þinginu koma til greina þegar
verðlaunað verður best flutta erindið og/eða kynning vegg-
spjalds.
Þinginu lýkur með fordrykk og þríréttuðum hátíðarkvöld-
verði í Súlnasal Hótel Sögu. Þar verða skemmtiatriði og lifandi
tónlist og nýir heiðursfélagar sæmdir heiðursviðurkenningu. Að
loknum kvöldverði munu Bogomil Font og hljómsveitin Flís
halda uppi stuði á dansgólfinu í suðrænum anda kalypsó-tónlist-
ar. Á dansleikinn (kl. 22.30) hafa félögin boðið unglæknum og
læknanemum á 4., 5. og 6. ári. Hugmyndin er sú að tengja saman
(utan skurðstofu og gjörgæslu) eldri, yngri og verðandi kollega.
Fyrir hönd Svæfinga- og gjörgæslulæknafélags íslands og
Skurðlæknafélags Islands viljum við sérstaklega þakka öllum
þeim fjölmörgu fyrirtækjum sem styrkt hafa þingið. Gunnhildur
Jóhannsdóttir deildarstjóri fær þakkir fyrir frábær störf við
skipulagningu vísindahluta þingsins, einnig Læknafélag íslands
og starfsfólk Læknablaðsins fyrir ómetanlega aðstoð við und-
irbúning þingsins.
Stjórn svcefinga- og gjörgœslulœknafélags fslands
Sigurbergur Kárason, formaöur
Felix Valsson, varaformaður
Hildur Tómasdóttir, ritari
Kári Hreinsson, gjaldkeri
Guðmundur Klemenzson. meðstjórnandi

GlaxoSmithKline
Markmið lyfjafyrirtækisins GlaxoSmithKline er að gera fólki
kleift að aorka meiru, liða betur og lifa lengur.
The Clinical Advantage
icepharma
GRÓCO ehf.
Læknablaðið 2007/93 309