Frjáls verslun - 01.02.2009, Blaðsíða 18

18 F R J Á L S V E R S L U N • 2 . T B L . 2 0 0 9
ljósið í myrkrinu Forsíðugrein
Þorvaldur Lúðvík Sigurjónsson.
Þorvaldur Lúðvík Sigurjónsson,
forstjóri Saga Capital:
Sem þjóð erum
við aflafólk
Þjóðin er svo lánsöm að státa af góðu heilbrigðis- og mennta-
kerfi, sem meðal annars hefur þýtt afar hátt menntunarstig
landsmanna og almenna velmegun. Auk þess stendur lífeyris-
sjóðakerfið vel og getur hjálpað til við endurreisnina. Ójafnvægi í
vöruskiptum og verðlagi er óðum að komast á eðlilegt ról.
Á næstu tveimur árum munum við færa okkur nær grunn-
atvinnuvegunum og náttúrulegum styrkleikum okkar sem
þjóðar og vinna aftur sess okkar í samfélagi þjóðanna.
Útflutningsfyrirtæki í iðnaði og sjávarútvegi ganga vel um þessar
stundir og eru líkleg til að varða okkur veg út úr þessari þoku
sem nú ríkir. Það er mikilvægt við núverandi aðstæður að huga
að grunngildum og aðlaga sig strax breyttum aðstæðum.
Sem þjóð erum við aflafólk og fyllum trogin þegar vel gefur, en
getum líka sætt okkur við rýrari heimtur og aflabrest þegar svo
ber undir. Okkar eðlislæga bjartsýni og trú á framtíðina er það
sem mun að lokum færa þjóðina út úr þessum hremmingum.
Ekki skyndilausnir heldur hin gömlu alíslensku gildi um vinnu-
semi, heiðarleika og trú sem nýst hafa þjóðinni fram til þessa og
munu áfram verða hennar helsta eign.
Við endurreisnina eru áframhaldandi nornaveiðar og patent-
lausnir, sem settar eru fram í aðdraganda kosninga á óábyrgan
hátt í allt öðrum tilgangi en þjóðinni til heilla, ekki hjálplegar. Nú
þarf að varpa persónumetnaði og fingrabendingum fyrir borð og
hlúa að þjóðinni og blása henni byr í brjóst.
Guðbjörg Glóð Logadóttir,
framkvæmdastjóri Fylgifiska:
Þurfum ekki lengur
að vera best í heimi
Það sem ég sé sem ljósið í myrkrinu, eftir þetta harkalega hrun
kapítalismans, er að nú má aftur fara að reka lítil og meðalstór
fyrirtæki sem hafa það að markmiði að skapa starfsfólkinu sínu
góðan vinnustað og sem sinna viðskiptavinum sínum af alúð. Nú
þurfa Íslendingar ekki lengur að vera bestir í heimi.
Í niðursveiflu þurfa stjórnendur að kunna að endurskipuleggja,
tryggja að tekjur dekki kostnað og greina ný sóknarfæri. En einnig að
hafa trú á framtíðinni og skila þeirri trú til starfsfólksins.
Guðbjörg Glóð Logadóttir.