Frjáls verslun - 01.02.2009, Blaðsíða 86

86 F R J Á L S V E R S L U N • 2 . T B L . 2 0 0 9
Áhugamálið:
Myndlist eftirstríðsáranna
Lífsstíll
• Myndlist
• Kvikmyndir
• Hönnun
• Bílar
• Uppáhald
• Útivera o.fl.
UMSjÓn: Svava JónSdóttir (MyndlISt, HönnUn o.Fl.) • Hilmar KarlSSon (KVIKMyndIr) • pÁll StefÁnSSon (BÍlAr)
Vilhjálmur Bjarnason. „Þessi formbylting sem kom fram á Íslandi
en hafði legið í dvala; hún sprakk út á Íslandi eftirstríðsáranna.
Það heillar mig að farið var yfir í þetta óhlutbundna eftir lands-
lagsmálverkin.“
Vilhjálmur Bjarnason, lektor við viðskiptafræðideild Háskóla Íslands,
segir að í gagnfræðaskóla hafi hann þótt óhæfur til að teikna en lita-
skynið ku hafa verið gott; myndlistaráhuginn kviknaði snemma þótt
ekki hafi hann sjálfur teiknað mikið. „Mér er það minnisstætt að mynd-
listarkennarinn við skólann mælti með sumum myndlistarmönnum en
úthúðaði öðrum.
daginn sem ég varð stúdent fór ég á sýningu á Kjarvalsstöðum og
hét sjálfum mér að eignast safn mynda eftir Guðmundu Andrésdóttur.
Það er einhver hreyfing og þráhyggja í myndunum hennar.“
Íslensk myndlist eftirstríðsáranna heillaði og heillar Vilhjálm enn.
Ástæðan: „Þessi formbylting sem kom fram á Íslandi en hafði legið í
dvala; hún sprakk út á Íslandi eftirstríðsáranna. Það heillar mig að farið
var yfir í þetta óhlutbundna eftir landslagsmálverkin.“
Aðspurður hverjir séu uppáhaldsmyndlistarmennirnir nefnir Vilhjálmur
Guðmundu, Karl Kvaran og Gunnlaug Blöndal. „Ég er alltaf að horfa á
nýtt form hjá Guðmundu og Karli og dulúðina í myndum Gunnlaugs.“
Svo mörg voru þau orð
„en almennt eru það ríkistryggð bréf, þ.e. öryggið, sem fjárfestar horfa á þessa
dagana. Þar fyrir utan má búast við að innlán, sem eru með ríkisábyrgð, verði
einnig vinsæll fjárfestingarkostur.“
Kristrún T. Gunnarsdóttir, hagfræðingur hjá Landsbankanum.
Morgunblaðið, 29. janúar.
„Bankakreppur ganga yfirleitt hratt yfir ef rétt er á þeim tekið. Hættan við þær
er einkum sú að tekin verði upp röng efnahagsstefna í kjölfar þeirra. Svíþjóð
varð miklu sterkara ríki eftir að hafa gengið í gegnum bankakreppu, en í Suður-
ameríku hafa lönd leiðst út í höft og pólitískan óstöðugleika í kjölfar banka-
kreppa. valið stendur um suður-amerísku eða sænsku leiðina. Hér þarf að taka
upplýstar ákvarðanir um næstu skref og þá stýrivaxtastig í samræmi við þá
efnahagsáætlun sem lögð hefur verið fyrir alþjóðagjaldeyrissjóðinn.“
Ásgeir Jónsson, forstöðumaður greiningardeildar Kaupþings.
Markaðurinn, 28. janúar.