Frjáls verslun - 01.02.2009, Blaðsíða 98

98 F R J Á L S V E R S L U N • 2 . T B L . 2 0 0 9
aurum er skartgripafyrirtæki sem selur íslenska skartgripahönnun eftir Guðbjörgu Kristínu Ingvarsdóttur.
Guðbjörg stofnaði fyrirtækið árið 1999 með
það að markmiði að koma hönnun sinni á
framfæri. Á síðastliðnum 10 árum hefur hún
þróað fjölbreyttar vörulínur og sótt innblástur
úr sínu nánasta umhverfi.
„Allar skartgripalínurnar mínar bera
íslensk kvenmannsnöfn, ég vel það nafn
sem mér þykir lýsandi fyrir formið sem ég
fæst við hverju sinni. Til að mynda heitir
ein línan Brynja og má rekja innblástur til
brynjusmíði fyrri alda. Línan Fold vísar til
jarðarinnar og legg ég þá áherslu á að blanda
saman ólíkum efniviði. Ég sé gjarnan fyrir
mér íslensku háfjallaplönturnar, sem brjótast
fram í hvaða landslagi sem er, eða óheflað
hraunið sem umlykur landið. Hver og ein
lína hefur að geyma ólíka stemningu og
yfirbragð en flestar eiga þær þó sameiginlegt
að vera frekar fínlegar.
Starf mitt er mjög fjölbreytt en stærsti þáttur
starfs míns er hönnunar- og þróunarvinna og
smíði frumgerða. Þar á eftir kemur smíði á
skartgripum og frágangur. Þessa stundina er ég
að leggja lokahönd á nýjustu hönnunina sem
verður til sýnis í Norræna húsinu á Norræna
tískutvíæringnum sem haldinn er 19. mars til
5. apríl. Einnig er ég að undirbúa kynningu á
nýjum línum og uppákomu í verslun minni,
Aurum við Bankastræti 4, fyrir Hönnunardaga
sem verða síðustu helgina í mars.“
Guðbjörg nam við Iðnskólann í Reykjavík
og hélt síðan til Danmerkur þar sem hún lauk
sveinsprófi í gullsmíði: „Í framhaldi af því tók
ég meistararéttindin hér heima og hélt að því
loknu aftur til Danmerkur þar sem ég fór í
fólk
Guðbjörg Kristín
Ingvarsdóttir:
„Skíðaíþróttin skipar
stóran sess enda ólst
ég nánast upp í skíða-
brekkunum á Ísafirði.
Þetta er einnig góð
fjölskylduíþrótt og við
höfum öll gaman af
því að fara á skíði.“
skartgripahönnuður og verslunareigandi
GuðbJöRG kRiStín inGvaRSdóttiR
nafn: Guðbjörg Kristín
Ingvarsdóttir.
fæðingarstaður: Ísafirði,
26 september 1969.
foreldrar: Ásgerður
Halldórsdóttir og Ingvar
Einarsson.
maki: Karl jóhann
jóhannsson.
Börn: Ásgerður diljá, 11 ára,
og Karlotta Kara, 6 ára.
menntun: Gullsmíði
og framhaldsnám í
skartgripahönnun.
framnhaldsnám í hönnun við Institute for
Precious Metals í Kaupmannahöfn.“
Guðbjörg er gift Karli Jóhanni
Jóhannssyni, framkvæmdastjóra Kar ehf.,
og eiga þau tvær dætur: „Ég hef brennandi
áhuga á starfi mínu og er því hönnun eitt af
mínum stærstu áhugamálum. Skíðaíþróttin
skipar stóran sess enda ólst ég nánast upp í
skíðabrekkunum á Ísafirði. Þetta er einnig
góð fjölskylduíþrótt og við höfum öll gaman
af því að fara á skíði. Ég og maðurinn minn
erum á leiðinni í skíðaferð til Austurríkis
og stefnan er svo tekin á að fara á skíði
með dæturnar til Ísafjarðar um páskana.
Ég er mikið fyrir útivist og finnst fátt
skemmtilegra en að ferðast um okkar fallega
land á sumrin með fjölskyldunni og er
þá veiði, berjaferð og sumarbústaðurinn í
uppáhaldi hjá okkur.“