Frjáls verslun - 01.02.2009, Blaðsíða 66

66 F R J Á L S V E R S L U N • 2 . T B L . 2 0 0 9
K
yN
N
iN
G
iðnaður
Kaffitár hefur ávallt lagt
áherslu á að vera með úrvals
kaffibaunir frá öllum helstu
kaffiræktunarlöndum heims
og fyrirtækið á verulega stóran
þátt í þeirri myndarlegu
kaffimenningu sem er hér
á landi í dag. Aðalheiður
Héðinsdóttir er eigandi og
forstjóri Kaffitárs.
kaupa beint af bændum
Aðalheiður segir að Kaffitár
stundi viðskipti án krókaleiða:
„Við leggjum okkur fram
við að kaupa kaffibaunir beint
af bændum. Í gegnum árin
hef ég ferðast víða og kynnst
mörgum kaffibændum. Fátækt
er mikil í þessum löndum.
Þetta upplifði ég nýlega þegar
ég bjó í fimm vikur inni á
alþýðuheimili í Níkaragúa.
Með því að skipta beint við
bændur og skapa persónuleg
tengsl verður viðskiptasam-
bandið sterkara og gagnkvæmt.
Við fáum góða kaffið sem þeir
rækta og við borgum hærra
verð fyrir afurðirnar. Til dæmis
sagði sá sem við kaupum af
í Kólumbíu að í fyrra borg-
uðum við 30% hærra verð en
það sem „fair trade“ borgar.
Með því að stunda milliliða-
laus viðskipti og leggja áherslu
á góða vöru getum við tekið
virkan þátt í uppbyggingu með
heimamönnum. Einnig höfum
við tekið þátt í nokkrum
skemmtilegum verkefnum t.d.
greiddum við fyrir innréttingu
skóla í Níkaragúa í fyrra. Í ár
er nýtt verkefni í undirbún-
ingi.
Stöðug nýsköpun
Nú sem endranær erum við að
leita nýrra leiða með vörurnar
okkar og þjónustuna. Við erum
sífellt að leita leiða til að bæta
okkur og lykillinn að þeirri veg-
ferð er að vera í góðu sambandi
við viðskiptavininn og reyna að
koma honum skemmtilega á
óvart.
Við Íslendingar verðum
að vera þátttakendur í
uppbyggingu á heilbrigðu
viðskiptalífi. Við eigum öll
að vanda okkur og hugsa vel
um hvar við eigum að eyða
peningunum okkar því þetta
val okkar hefur gríðarleg áhrif á
uppbyggingu þessa lands.“
„Með því að fram-
leiða meira kaffi hér
á landi gætum við
sparað gjaldeyri upp
á u.þ.b. einn millj-
arð á ári. Bara ef
neytendur keyptu
íslenskt kaffi.“
Kaffitár án krókaleiða
KAFFitáR
aðalheiður Héðinsdóttir, kaffimeistari og forstjóri kaffitárs.