Frjáls verslun - 01.02.2009, Blaðsíða 84

84 F R J Á L S V E R S L U N • 2 . T B L . 2 0 0 9
„Veljum íslenskt – okkar hagur“ eru orð sem við höfum heyrt síend-
urtekin að undanförnu, og ekki að ástæðulausu, nú þegar þrengt
hefur að í þjóðfélaginu. Hvatningarorð í þessa veru heyrðust lík-
lega fyrst árið 1983 þegar Félag íslenzkra iðnrekenda, fyrirrennari
Samtaka iðnaðarins, hóf herferð sem ætlað var að hvetja lands-
menn til að velja íslenskar vörur. Síðan þá hafa ýmis slagorð og
kennimerki litið dagsins ljós í sambandi við frekari herferðir í þessa
veru að undirlagi Samtakanna.
„Á 25 ára afmæli Félags íslenzkra iðnrekenda var hafin herferð
til að kynna ágæti íslensks iðnaðar,“ segir Þóra Ólafsdóttir hjá SI.
„Þá var haldin mjög vegleg sýning í Iðnskólanum í tilefni af afmæl-
inu. Aftur var haldin Iðnsýning á 50 ára afmæli Félags íslenskra
iðnrekenda árið 1983. Í tengslum við þá sýningu skipaði formaður
FÍI, Víglundur Þorsteinsson, nefnd sem átti að vinna að því að
breiða út fagnaðarboðskapinn „Veljum íslenskt“. Í framhaldi af því
var skilað inn 600 tillögum og það „slagorð“ sem þótti hvað best,
var „Setjum íslenskt í öndvegi“. Sú herferð var unnin í samvinnu við
Auglýsingastofuna Argus.“
Þegar horft er til baka finnst mönnum athyglisvert hve ráðherrar
og þingmenn tóku virkan þátt í að leggja íslenskum iðnaði lið.
Iðnaðarráðherra, forsætisráðherra og aðrir góðir meðal þeirra voru
reiðubúnir að ferðast um landið, heimsækja fyrirtæki, ræða við
starfsmenn, standa við færibönd og raða konfektmolum í kassa,
keppa um að kaupa ódýrustu matvælakörfuna, klippa á borða,
tala við börn á leikskólum, heimsækja framhaldsskóla og ræða við
starfsfólk að sögn Þóru.
Sem dæmi um slagorð liðinna ára eru: „Hollt er heima hvar“
sem söng í eyrum landsmanna árið 1952. Árið 1983 mátti heyra
„Íslensk framtíð á iðnaði byggð“. 1985/1986 voru slagorðin
„Veljum íslenskt, Veljum íslenskt til jólanna, Veljum íslenskt alltaf –
til að tryggja atvinnu, Veljum íslenskt alltaf – þegar það er betra“ og
svo „Setjum íslenskt í öndvegi“. Árið 1994 var slagorðið „Íslenskt,
já takk“ og í dag hljóma orðin „Veljum íslenskt – okkar hagur“ í
eyrum okkar við öll tækifæri.
iðnþing 2009
Veljum íslenskt – í áranna rás