Frjáls verslun - 01.02.2009, Blaðsíða 46

46 F R J Á L S V E R S L U N • 2 . T B L . 2 0 0 9
Tal er í eigu Teymis, sem á 51% í félaginu, og IP fjarskipta sem á
49%. Samkeppniseftirlitið hefur ítrekað þurft að skerast í leikinn og
skipaði svo fyrir í janúar að fulltrúar Teymis í stjórn Tals skyldu víkja
en í þeirra stað skyldu skipaðir tveir óháðir aðilar sem tilnefndir voru
af eftirlitinu.
Þetta er í fyrsta skipti sem Samkeppniseftirlitið tekur ákvörðun
um framkvæmd sem þessa. Ákvörðunin var tekin til að tryggja sam-
keppnislegt sjálfstæði félags en hætta var talin á því að Teymi myndi
beita Tal þrýstingi sem að öllum líkindum hefði skaðleg áhrif á sam-
keppni á markaði.
Fulltrúar Samkeppniseftirlitsins sögðu sig úr stjórninni eftir tæp-
lega viku setu og lýstu því yfir að þeir hefðu „aldrei áður kynnst eins
miklum viðskiptasóðaskap“.
Hermanni sagt upp
Þessi flókna hluthafadeila hófst fyrir alvöru þegar Hermanni Jón-
assyni var sagt upp störfum sem forstjóra Tals 30. desember sl. á þeim
forsendum að hann hefði gert samning við Símann til að tryggja
fullan aðgang viðskiptavina Tals að farsímakerfi landsins, án þess að
hafa samráð við stjórn félagsins, en annar samningur var þá þegar í
gildi við Vodafone sem jafnframt er í eigu Teymis.
IP fjarskipti, félag í eigu Hermanns og Jóhanns Óla Guðmunds-
sonar, á eins og áður sagði 49% eignarhlut í Tal en Teymi á 51% hlut
í Tal og 100% í Vodafone.
Tal er þriðja stærsta fjarskiptafélagið á Íslandi og varð til í kjölfar
sameiningar Hive og Sko en hvort félag um sig hafði markað sér
sterka stöðu á íslenskum fjarskiptamarkaði, á sitt hvorum vettvang-
inum. Tal býður upp á þjónustuleiðir á interneti, heimasíma og
farsíma.
Hermann segist hafa gert samning við Símann um farsímaþjón-
ustu þar sem Vodafone gat ekki tryggt samband fyrir Tal á Aust-
fjörðum nema fyrir tilstuðlan reikisamnings Vodafone og Símans.
Póst- og fjarskiptastofnun breytti hinsvegar síðastliðið sumar reglum
sínum á þá leið að Vodafone væri óheimilt að framselja slíkan samn-
ing til Tals.
Hermann vísar því á bug að stjórnin hafi ekki vitað af samn-
ingnum sem gerður var við Símann. Hann segir að á stjórnarfundi
11. desember hafi hann kynnt að Tal stæði frammi fyrir því að við-
skiptavinir fyrirtækisins hefðu ekki GSM-samband á Austurlandi
frá 1. janúar. Hann segist hafa tilkynnt á fundinum að hann væri
að skoða tvær leiðir: Annars vegar í gegnum Vodafone og hins vegar
í gegnum Símann í samvinnu við Póst- og fjarskiptastofnun. „Mér
var falið að leysa málið með hagsmuni Tals og viðskiptavina þess í
huga,“ segir hann og heldur áfram. „Við unnum þetta mál í samstarfi
við Póst- og fjarskiptastofnun. Það var vissulega annar samningur í
gildi við Vodafone en félagið hefur ekki kerfi um allt land. Tal fór
hins vegar formlega fram á það við Vodafone að þeir féllu frá þeim
ákvæðum samningsins sem banna Tali að vera með samninga við tvo