Frjáls verslun - 01.02.2009, Blaðsíða 77
F R J Á L S V E R S L U N • 2 . T B L . 2 0 0 9 77
utan um þetta allt saman. Öll skautskipti
eru nákvæmlega forrituð.“ Vélbúnaðurinn er
tölvustýrður og klæðskerasaumaður.
Hvaðan koma allar hugmyndirnar?
„Það er bara alltaf verið að reyna að gera
alla hluti betur og markmið fyrirtækja
er náttúrlega að spara og það getur
verið gífurleg driffjöður. Það er mikill
bisness í sparnaði.“ Við stöldrum við
álhæðarskynjarana sem voru stökkpallur
feðganna á sínum tíma. „Þetta gerir ennþá
sitt gagn þó tækin séu orðin tíu ára gömul.
Við erum hins vegar að þróa núna nýja
útgáfu sem notar leysigeisla til að mæla
hæðina.“
Íslensk hönnun til Katar
Hjá Vélaverkstæði Hjalta Einarssonar kynnir
Ingi okkur fyrir Jóa sem er að dunda sér
við að smíða prentrásaplötur. „Við smíðum
hérna frá grunni einingar í ýmis mælitæki.
Það gefur okkur ótrúlega mikið forskot
að geta smíðað rafræna íhluti í tæki sjálfir.
Ég held við séum eini aðilinn á Íslandi sem
getur smíðað sínar eigin prentrásarplötur
eftir þörfum. Við hönnum plötur, erum
með efnaböð, fræsum sjálfir og höfum
smíðað helling af sérhæfðum tækjum í
gegnum árin.“
Á gólfinu eru starfsmenn verkstæðisins í
óðaönn að leggja lokahönd á tvær splunku-
nýjar kragavélar sem stendur til að frumsýna
daginn eftir. „Þetta er séríslensk hönnun.
Sambærilegar vélar eru til erlendis en við
notum skrefmótóra sem gefur manni meiri
nákvæmni á krögunum og vinnur á betri
tíma,“ útskýrir Ingi. Ástralskur starfsmaður
er að prufukeyra græjurnar fyrir sendinefnd
sem er væntanleg frá norska fyrirtækinu
Hydro sem er að setja upp nýtt álver ásamt
heimamönnum í Katar.
Hvað ber framtíðin í skauti sér?
Talið berst að starfsmannafjölda og
verkefnastöðu. „Bara á vélaverkstæðinu
erum við núna með svona 230–240
manns. Auk sjálfrar smiðjunnar erum
við með verkfræðideild sem sér um
rafmagnshönnun, forritun, skjákerfi og svo
eru þarna vélahönnuðir og margt fleira.
Svo erum við með um 150 manns í vinnu í
störfum okkar fyrir Alcoa.“
Aðspurður um hversu háar upphæðir
sé að ræða í stærri samningum svarar Ingi
að það sé allt frá 30–40 milljónum og upp
í 100 milljónir. „Það er náttúrlega bara
mismunandi eftir umfangi. Enn sem komið
er eru það frekar stærri fyrirtæki sem taka
að sér heilar skautsmiðjur en við komum
þá yfirleitt inn í slík verkefni með einstaka
vélar.“ Ingi kveðst ekkert vilja spá fyrir
um stækkun álversins í Straumsvík. „Það
er ekkert gefið í þeim efnum. Slíkt myndi
hins vegar gefa okkur færi á að taka heila
skautsmiðju og við höldum bara áfram að
vera vongóðir um það. Maður ímyndar sér
að menn hefðu alveg verið til í að hafa 1200
manns í vinnu við stækkun núna. En við
höldum alltaf áfram og erum með meira en
nóg af hugmyndum,“ segir Ingi að lokum
og heldur svo áfram að fínpússa nýjustu
kragavélarnar.
„Það er bara alltaf
verið að reyna að
gera alla hluti betur
og markmið fyrirtækja
er náttúrlega að spara
og það getur verið
gífurleg driffjöður.
Það er mikill bisness í
sparnaði.“
Það er misskilningur að álver geti ekki af sér sprotafyrirtæki. Stímir varð til í Straumsvík og selur núna hátæknilegan vélbúnað í álver um
allan heim. Ingi Rútsson stofnaði fyrirtækið ásamt föður sínum og bræðrum.