Frjáls verslun - 01.02.2009, Blaðsíða 35

F R J Á L S V E R S L U N • 2 . T B L . 2 0 0 9 35
s t u ð u l l
Farseth. Hún er upphaflega norsk og ólst upp í Grünerlökka, hverfi
fólks af lægri miðstétt í austurhluta Óslóar.
Gro Eva var sett til mennta, tók verslunarskólapróf og fékk
réttindi sem einkaritari. Þetta var góð menntun
stúlkna af hennar stétt á þeim tíma og með þetta
veganesti hélt hún út í heim tvítug að aldri að
freista gæfunnar.
Hún fór til Parísar og varð au pair-stúlka hjá
Joly lækni og fjölskyldu hans. Þar á heimilinu
felldu þau Gro og læknissonurinn Pascal saman
hugi og giftu sig að lokum gegn eindregnum vilja
læknishjónanna. Strákur þótti taka niður fyrir sig.
En þau fóru að búa, hann í læknanám en
hún vann fyrir þeim sem ritari alla daga en las
lögfræði í kvöldskóla. Lögfræðináminu lauk hún með doktorsprófi
frá Sorbonne – Svartaskóla. Að loknu námi gerðist hún refsivöndur
glæpamanna – rannsóknardómari.
Heimsfræg
Í fyrstu voru málin smá en eftir því sem árin liðu voru henni fengin
erfiðari verkefni. Hún stóð á hátindi frægðar sinnar á árunum eftir
1990 og kom þá fyrst upp um umfangsmikil
svik tengd Crédit Lyonnais-bankanum. Það
var ríkisbanki með mikil tengsl við vafasama
fjármálamenn. Bankinn hafði svindlað á
ráðherranum og fjármálamanninum Bernard
Tapie. Ráðherrann var líka sjálfur flæktur í
mútumál og varð að hætta.
Frægasta mál Evu er síðan rannsókn á
spillingu hjá ríkisolíufélaginu Elf. Franskir
stjórnmálamenn og fjármálamenn voru flæktir
í alþjóðlegt net af mútum og fjársvikum.
Meðal þeirra sem höfðu þegið mútur voru Roland Dumas,
utanríkisráðherra. Hann hætti afskiptum af stjórnmálum.
Rannsókn Elf-málsins tók níu ár, frá árinu 1994. Eva Joly mætti
að lokinni rannsókn í réttinn með málsgögn í 250 möppum og
„Þar á heimilinu felldu
hún og læknissonurinn
Pascal saman hugi
og giftu sig að lokum
gegn eindregnum vilja
læknishjónanna.“
Eva Joly þykir dómhörð og dómhvöt. Til þessa hefur hún þó alltaf haft rétt fyrir sér. Hér er hún á fundi í Háskólanum í Reykjavík.