Frjáls verslun - 01.02.2009, Blaðsíða 8

8 F R J Á L S V E R S L U N • 2 . T B L . 2 0 0 9
Vinnutíminn fer í ekkert. Dagur er að kveldi
kominn og í sannleika sagt hefur allur
dagurinn farið í vitleysu. Tölvubréf hafa
flogið fram og til baka og ófáar netsíður
hafa verið opnaðar. En er það vinna að
vafra bara um Netið og skiptast á bréfum?
Gleyma sér við að skoða fargjöld til
sólarlanda og breytingar á húsnæðisverði?
Já, og lesa slatta af bloggi um pólitík.
Nei. Þetta er bara vitleysa. Athyglin hefur
beinst að öllu öðru en vinnunni.
En það er hægt að bæta árangurinn í
vinnunni. Þetta eru ráð sem gætu minnt
á söguna af Munchausen þegar hann reif
sig og hestinn á hárinu upp úr feninu. Það
er auðvelt að lenda í feni agaleysis og
ódugnaðar ef menn standa ekki með svip-
una yfir sjálfum sér. Og ekkert er verra
í vinnu nútímamannsins en freistingar
Netsins.
Sænska stjórnunarvefritið chef.se hefur
nokkur góð ráð gegn útideyfum í vinnunni:
Talan þrír er töfratala. Ef menn
setja sér að leysa þrjú verkefni á dag lætur
árangurinn ekki á sér standa. Þessi þrjú
verkefni er rétt að skrifa niður á blað og
ef hugurinn tekur að reika þá er að beina
sjónum að blaðinu: Hvernig gengur með
verkefnin þrjú? Verkefnablaðið á borðinu er
nefnilega vinur þinn þótt það líti út eins og
harðstjóri. Og hafa ber í huga að afköstin
verða ekki endilega meiri þótt verkefnum á
listanum sé fjölgað. Þá er hætta á að menn
vaði úr einu í annað og ljúki engu.
Láttu tölvupóstinn vera. Það er
ótrúlega handhægt að nota tölvupóst en oft
er hann líka tímaþjófur. Það dreifir athyglinni
að skipta stöðugt á milli póstsins og vinn-
unnar. Rannsóknir sýna að það tekur stundar-
fjórðung að snúa sér frá einu verki að öðru.
Í hvert sinn sem þú grípur í póstinn tapar
þú stundarfjórðungi af vinnutíma þínum.
Reyndu heldur að einbeita þér að vinnunni
í minnst einn klukkutíma samfleytt og láttu
tölvupóstinn vera á meðan. Sama er að
segja um lestur á Netinu. Það er ekki hægt
að skila fullum afköstum og fylgjast með
öllum netfréttum um leið.
Bókaðu einn fund með
sjálfum þér í hverri viku.
Þennan fund þarf að bóka eins og aðra
fundi. Ef þú vinnur á opinni fjöldaskrifstofu
skaltu láta þá bóka lokað fundarherbergi
fyrir þig. 20 mínútna fundur er nóg. Til fund-
arins mætirðu með dagbók þína og verk-
efnalista. Þú spyrð þig hvernig þér hafi
gengið í liðinni viku. Ertu sáttur við árang-
urinn? Síðan spyrðu þig hvaða verkefni séu
mikilvægust í þessari viku. Verðurðu að for-
gangsraða? Og mundu að ef þú vinnur fimm
daga í viku þá er nóg að setja sér 15 verk-
efni fyrir vikuna: Þrjú á dag er nóg!
ÞRJú MáL
á DAg
ER Nóg
S T J ó R N U N A R M o L I
TExTI: gísli kristjánsson
VINNUTÍMINN
FER Í EKKERT: