Frjáls verslun - 01.02.2009, Blaðsíða 63

F R J Á L S V E R S L U N • 1 . T B L . 2 0 0 9 63
22%, doktorsnámi 2%. Miðað við mat atvinnulífsins í öðrum
löndum þyrftu doktorsnemar að vera fleiri.
Kristín sagði að öflugar vísindarannsóknir væru oft mikilvæg for-
senda nýsköpunar og verðmætasköpunar og oft kveikjan að nýjum
kerfum, aðferðum og stofnun sprotafyrirtækja. Hún nefndi sprota-
fyrirtæki sem byggja á niðurstöðum vísindarannsókna við HÍ og
hefðu oft orðið til vegna samstarfs frumkvöðla úr ólíkum greinum.
Háskóli Íslands væri í samstarfi við fjölmörg fyrirtæki og stofnanir
og verið væri að styrkja tengslin við atvinnulífið meðal annars undir
merkjum skapandi samstarfs. Kostur sé fyrir sérfræðinga og stúdenta
að tengjast atvinnulífi og fyrir fyrirtækin að tengjast þeim.
Háskólinn hefur lagt sig fram um að sýna samfélagslega ábyrgð
undanfarna mánuði og opnaði um áramótin dyr sínar fyrir nýjum
nemendum, mörgum sem misst höfðu atvinnu enda sagðist Kristín
vona að menn væru sér sammála um að brýnt sé að halda vörð um
menntun og vísindi og að með því sé sáð til framtíðar.
Ekki brjóta fólk niður
Til þess að byggja upp þurfi réttar upplýsingar, að sögn Helga. Ekki
gangi að halda röngum upplýsingum að þjóðinni, að því er virð-
ist gagngert til að brjóta fólk niður og draga úr baráttuþreki. Hann
nefndi tal stjórnmálamanna og fjölmiðla um 2000 til 3000 milljarða
skuldir ríkissjóðs sem fólk hefði trúað og óttast að þjóðin kæmist
aldrei upp úr skuldafeninu. Það sé rangt og beinlínis ljótt að draga
kjarkinn úr landsmönnum og spyrja megi hvaða hagsmunum slíkur
málflutningur þjóni.
„Ef við eigum að geta vænst árangurs við endurreisn þjóðfélags-
ins þurfa áhrifaaðilar að taka höndum saman um vönduð vinnu-
brögð og yfirvegun í umræðu og meðferð staðreynda. Þeir þurfa
einnig að sýna það í verki að þeir vilji taka þátt í að byggja sam-
félagið upp að nýju á grundvelli þeirra gilda sem reyndust okkur
vel í GAMLA ÍSLANDI. Niðurrif gengur ekki lengur, eigi árangur
að nást.“
Fjölmiðlar fengu ádrepu hjá Helga sem benti á að tími væri kom-
inn til að þeir færu að horfa út úr myrkrinu. „Það vekur furðu mína
og vonbrigði hve mikinn áhuga þeir hafa sýnt neikvæðum fréttum –
og helst engu öðru en neikvæðum fréttum. Þeir hafa margir hverjir
gengið mjög langt í að túlka fréttir og atburði á enn verri veg en
ástæða hefur verið til.“ Helgi sagði þó að ekki ætti að þegja um
vondar fréttir en það þyrfti meira jafnvægi og nú væri komið að fjöl-
miðlunum að staldra við og meta hvort þeir ætluðu að halda áfram
á sömu braut eða taka þátt í endurreisn með málefnalegri umfjöllun
út frá þjóðarhag.
Hann nefndi fræðimenn og sérfræðinga sem margir hefðu komið
fram af fagmennsku og yfirvegun og auðveldað fólki að skilja flókin
viðfangsefni. Aðrir hefðu viðhaft stóryrði og sýnt ábyrgðarleysi. „Það
þarf að verða hugarfarsbreyting á Íslandi til þess að okkur miði í rétta
átt. Það gengur ekki lengur að hér sé háð óopinber keppni fjölmiðla,
álitsgjafa og sérfræðinga í niðurrifi og úrtölum. Bætum ekki kreppu
hugarfarsins við þann vanda sem við er að glíma – nóg er nú samt.
Við erum öll á sama báti og við þurfum að standa saman um að þoka
málum í rétta átt. Ferð þjóðarinnar inn í framtíðina þolir enga bið og
verður að hefjast UMSVIFALAUST.
Kristín ingólfsdóttir, rektor HÍ
Menntun andsvar
gegn áföllum
Kristín Ingólfsdóttir, rektor Háskóla Íslands, varpaði fram spurning-
unni: Hvers virði er menntun á tímum endurreisnar? Hún sagði að
eitt virkasta andsvar annarra þjóða sem lentu í áföllum í efnahags- og
atvinnulífi á 10. áratugnum hafi verið að efla menntun, rannsóknir og
nýsköpun. „Ég er sannfærð um að við eigum að fylgja þessari nálgun,
ekki bara af því ég er rektor HÍ.“ Það er lykilatriði í endurreisn sam-
félagsins.
Fyrir þremur árum mótaði Háskóli Íslands stefnu um afburðaár-
angur í menntun og vísindum. Sumum þótti markmiðasetningin
djörf, að vilja miða við það besta í heimi. Stefnan var hins vegar svar
við spurningunni: Hvernig getur Háskóli Íslands best rækt hlutverk sitt
og lagt af mörkum við að tryggja þekkingarknúið atvinnulíf og velferð í
samfélaginu? Kristín sagði að menn væru sannfærðir um að Háskólinn
þjónaði best íslensku samfélagi með því að setja markið hátt.
Fleiri doktorsnemar
Sem dæmi um árangursmiðaða stefnu HÍ nefndi Kristín: Árangur
í kennslu; Nemendum gengur vel að fá vinnu, þeir komast inn í
framhaldsnám í kröfuhörðustu háskóla heims; Árangur í vísindum;
Formlegir árangursmælikvarðar; Nýsköpun og endursköpun; Áhugi
íslenskra fyrirtækja og stofnana, sem og erlendra háskóla og vísinda-
stofnana á samstarfi. Skólinn hefur stækkað mikið á stuttum tíma og
heildarfjöldi stúdenta er 13.650; í grunnnámi 76%, meistaranámi
kristín ingólfsdóttir, rektor Háskóla íslands.
iðnþing 2009