Frjáls verslun - 01.04.2009, Page 8

8 F R J Á L S V E R S L U N • 3 . T B L . 2 0 0 9
„Það eru erfiðir tímar, það er
atvinnuþref,“ sagði skáldið. Og þá
blasa við miður skáldleg viðfangs-
efni eins og að halda uppi góðum
starfsanda á vinnustað. Forstjórar
verða að koma í veg fyrir að fyrir-
tækin flosni upp í innbyrðis úlfúð
og ólund. Öllu skiptir að fá fólkið
með sér á erfiðum tímum.
Og hvað er til ráða?
Stjórnunarritið Management
Today hefur átta hollráð að
gefa stjórnendum við þessar
aðstæður:
1. Láttu alla vita hver stefnan er
Starfsfólkið væntir þess að þú
vitir meira um stöðu mála en
það. Það er því þitt hlutverk að
segja hvað hægt er að gera og
hvaða möguleikar blasa við. Ef
þú talar um að allt sé vonlaust
leggst vonleysið enn þyngra á
fólkið.
2. Vertu raunsær
og leyndu engu
Ef starfsfólkið fær ekki reglulega
upplýsingar fara kjaftasögur á
kreik. Kjaftasögurnar berast fljótt
um allt fyrirtækið. Ef þú getur
ekki svarað tiltekinni spurningu
er best að segja sannleikann.
Heiðarleiki borgar sig.
3. Segðu sjálf(ur) frá
Það er mikilvægt að segja
starfsfólkinu frá stöðunni í eigin
persónu. Ekki nota tölvupóst
eða innanhúsfréttir til að koma
mikilvægum skilaboðum áleiðis.
Ef þú hefur millistjórnendur undir
þér getur þú beðið þá að koma
boðunum á framfæri á fundum
með starfsfólkinu.
4. Fáðu sem flesta með þér
Nú á erfiðum tímum er mikil-
vægt að starfsfólkið finni að
framlag þess skiptir máli.
Áhuginn á vinnunni vex ef fólkið
fær að ráða nokkru um hvað
það gerir. Hlustaðu því á það
sem undirmennirnir leggja til og
taktu vel í nýjar hugmyndir.
5. Sýndu samkennd
Ef enginn annar kostur er í
stöðunni en að segja upp fólki
er mikilvægt að sýna að upp-
sögnin hafi verið neyðarúrræði,
að þú hafir reynt allt til að halda
í allt starfsfólkið. Segir hvað þú
hefur gert til að komast hjá upp-
sögnum og aðstoðaðu fólkið
eftir uppsögnina.
6. Gefðu orðinu árangur nýja
merkingu
Árangur leiðir til aukins áhuga
en á krepputímum er erfitt að ná
árangri. Því er mikilvægt að end-
urskilgreina hugtakið árangur.
Ekki setja markið of hátt því þá
næst það aldrei og það að allir
gerðu sitt besta er í sjálfu sér
árangur þótt annar raunverulegur
árangur hafi ekki náðst.
7. Hrósaðu
Það eru margar leiðir til að
hrósa starfsfólkinu. Ein leið er
að útnefna starfsmann mánaðar-
ins en dagleg viðurkenningarorð
hafa ekki síður góð áhrif.
8. Haltu uppi dampinum
Gerðu sem mest úr öllu því sem
ávinnst. Fagnaðu hverju mark-
miði sem næst með starfsfólk-
inu og gerðu sem mest úr því
ef einhver starfsmanna vekur
athygli utan fyrirtækis. Og það er
mikilvægt að halda í samkomur
og skemmtanir innan fyrirtæk-
isins.
S T J ó R N u N a R M o L I
TExTI: gísli kristjánsson
Starfsandi á tímum kreppunnar
ÁTTA HOLLRÁÐ: