Frjáls verslun - 01.04.2009, Page 9

F R J Á L S V E R S L U N • 3 . T B L . 2 0 0 9 9
Eitt er hvað forstjórar geta gert til að
bregðast við erfiðum starfsanda á vinnu-
stað. Annað er hvað þeir eiga alls ekki að
gera til að valda leiða. Í nýrri bandarískri
könnun kemur fram hvað það er sem
starfsfólkinu leiðist mest í daglegu amstri
á vinnustaðnum. Þar eru „langir, innihalds-
lausir fundir“ efstir á lista. Annar hver
aðspurður segist finna fyrir reiði og leiða
á slíkum fundum. Sérstaklega á það við
ef einhver leiðindapúkinn fær að láta ljós
sitt skína allan fundinn án þess að stjór-
inn grípi inn í.
Stjórnunarfræðingar eru raunar ekki á
einu máli um hvort reiði fólks á vinnustað
sé slæm. Reiðinni fylgir líka mikil orka og
hana er hægt að nota fyrirtækinu til góðs.
Það er ekki endilega vont þótt einhver
berji í borðið og skelli hurðum. Því er mik-
ilvægt fyrir stjórnendur að fá fólkið með
sér þótt það sé reitt. Þó má ekki líðast að
reiðin beinist gegn einhverjum einstökum
manni innan fyrirtækisins.
En svona féllu svörin í skoðanakönn-
uninni um hvað veldur reiði á vinnustað:
Langir, innihaldslausir fundir – •
50 prósent
Ósæmileg hegðun á vinnustað – •
48 prósent
Óþægilegt hitastig – 37 prósent•
Skortur á stuðningi við starfsmenn – •
36 prósent
Starfsmannastefnan – 31 prósent•
Bið við tölvuprentarann – 30 prósent•
Fólk sem kemur óundirbúið á fundi – •
30 prósent
Tæknilegir erfiðleikar – 28 prósent•
Sóðaleg umgengni – 24 prósent•
Of kröfuharðir stjórar – 20 prósent•
Til að stytta fundi og gera þá markvissa
er stjórnendum bent á að gera eins og
Barack Obama. Vikulega lætur hann taka
upp fjögurra mínútna myndband þar sem
hann segir frá öllu því mikilvægasta sem
gerðist í vikunni. Mestu skiptir við þetta
myndband að það varir aðeins í fjórar
mínútur – aldrei meir. Þetta krefst skýrrar
hugsunar og markvissra vinnubragða.
Það sama á við um fundina. Það verður
að undirbúa þá vel, annars endar allt í
kjaftæði.
Annað ráð til að stytta fundi er að
hafa þá stuttu fyrir matartíma. Enginn
vill fórna matartímanum sínum fyrir
fundarsetu!
S T J ó R N u N a R M o L I
TExTI: gísli kristjánsson
Langir fundir valda leiða