Frjáls verslun - 01.04.2009, Qupperneq 102

102 F R J Á L S V E R S L U N • 3 . T B L . 2 0 0 9
skipst á kveðjum
Við eigum samleið
70 ára
Á haustmánuðum 1984 tók Hewlett-Packard til starfa á Íslandi og var Frosti
Bergsson ráðinn framkvæmda-
stjóri starfseminnar. Hlutverk
félagsins var innflutningur, sala
og þjónusta á vörum Hewlett-
Packard. Þann 8. maí 1985 var
félaginu formlega hrint úr vör
og við þau tímamót var Háskóla
Íslands fært tölvuvætt teiknikerfi
að gjöf.
Að sögn Gunnars Guðjóns-
sonar forstjóra var félaginu síðar
breytt í íslenskt hlutafélag og
nafninu breytt í Opin kerfi.
,,Árin fóru vel með félagið og
óx það og dafnaði, hvort heldur
sem var í sinni kjarnastarfsemi
eða í gegnum fjárfestingarstefnu
þess. Þann 12. maí 2005, héldu
Opin kerfi upp á 20 ára afmæli
sitt með ráðstefnu. Þar kynntu
yfirstjórnendur lykilbirgja
Opinna kerfa það sem athyglis-
verðast þótti þá.“
Fyrstu 20 ár félagsins ein-
kenndust af gríðarlegri
framþróun og breytingum.
Einkatölvur, internetið og dán-
arvottorð miðlægu stórtölvu-
umhverfanna eru nægjanlegur
vitnisburður um þá framþróun.
,,Sem þakklætisvott fyrir góðar
viðtökur var Háskóla Íslands
fært fjárframlag sem ætlað var til
að auðvelda framhaldsnemum
að hrinda lokaverkefnum sínum
í framkvæmd,“ segir Gunnar.
Þarfir viðskiptavina í forgrunni
Árin sem liðið hafa frá 20 ára
afmælinu hafa einkennst af
miklu breytingarferli, hvort
sem litið er til eignarhalds
félagsins eða þróunar á mark-
aði. Gunnar segir öra tækni-
þróun og fjárfestingar í upplýs-
ingatækni hafa verið ríkjandi
síðustu ár en einkunnarorðin í
dag snúast um mikilvægi upp-
lýsingatækninnar til að skapa
viðskiptavinum þá rekstrarhag-
ræðingu sem möguleg er.
,,Lykilforsenda til að ná að
skapa slíka hagræðingu er að
geta treyst á öflugan samstarfs-
aðila sem hefur þarfir viðskipta-
vina í forgrunni og veitir fram-
úrskarandi þjónustu byggða á
réttu lausnaframboði. Áralöng
reynsla og stöðug þekkingar-
öflun starfsmanna tryggir við-
skiptavinum Opinna kerfa bestu
og áreiðanlegustu þjónustu sem
völ er á.
Í árferði því sem nú ríkir
reynir á aðlögunarhæfni fyrir-
tækja, traust tengsl við lykil-
birgja, náið samstarf við við-
skiptavini og viljann til að vera í
sigurliðinu. Opin kerfi eru félag
í góðum rekstri þar sem ferskir
vindar blása og mun fagna 25
ára afmæli sínu með áfram-
haldandi sköpun virðisauka
fyrir sína viðskiptavini,“ segir
Gunnar að lokum.
Ferskir vindar,
framþróun og breytingar
opin kerfi:
Markmið:
Að leggja áherslu á mikil-
vægi upplýsingatækninnar
til að skapa íslenskum fé-
lögum rekstrarhagræðingu.
Stofnár: 1985
Frosti Bergsson við opnun
Opinna kerfa árið 1985.
Gunnar Guðjónsson, forstjóri Opinna kerfa.
Opin kerfi fögnuðu 20 ára afmæli
sínu með viðskiptavinum og
samstarfsaðilum árið 2005.