Frjáls verslun - 01.07.2006, Qupperneq 28

28 F R J Á L S V E R S L U N • 7 . T B L . 2 0 0 6
FORSÍÐUEFNI
„Eftir að ég lauk laganámi frá Háskóla Íslands vorið 1970 sett-
ist ég í nokkrar vikur inn á skrifstofu Valdimars Stefánssonar,
ríkissaksóknara. Snemma sumars réði Bjarni Benediktsson, for-
sætisráðherra og formaður Sjálfstæðisflokksins, mig sem fram-
kvæmdastjóra fulltrúaráðs sjálfstæðisfélaganna í Reykjavík, þar
sem Hörður Einarsson var formaður. Enginn má sköpum renna,
þetta var rétt fyrir hinn hörmulega eldsvoða á Þingvöllum. Ráðn-
ing mín var eitt af síðustu verkum Bjarna og mitt fyrsta verk
í þessu starfi var að skipuleggja aðkomu flokksfélaganna að
útför Bjarna, Sigríðar Björnsdóttur konu hans og Benedikts litla
Vilmundarsonar,“ segir Víglundur.
Víglundur var á leið til starfa í utanríkisþjónustunni þegar til
hans var leitað um að gerast framkvæmdastjóri BM-Vallár, en
frumherjinn, Benedikt Magnússon, varð bráðkvaddur á gamlársdag
1970. Því kalli sinnti Víglundur – og var fyrstu mánuðina tvískiptur
í starfi. Var á skrifstofu Sjálfstæðisflokksins í gömlu Valhöll við
Suðurgötu á daginn og á steypustöðinni á kvöldin og um helgar
– en gat svo snúið sér heill og óskiptur að því starfi vorið 1971. Hjá
BM-Vallá hefur Víglundur starfað síðan og kveðst varla róa á önnur
mið úr þessu. „Ég hef haft afar mikla ánægju af þessu starfi, þetta
hefur verið mitt hálfa líf.“
Óperur eru heillandi
En hver eru áhugamálin?
„Ég hef alltaf haft mikla ánægju af lestri og má þá einu gilda hvort
bækurnar eru þjóðlegur fróðleikur, æviminningar, skáldsögur eða
fræði af einhverjum toga. Veiðiskapurinn hefur í seinni tíð vikið fyrir
ýmsu dútli heima fyrir, en við Kristín Thorarensen, eiginkona mín,
eigum falllegan garð við einbýlishús okkar í Garðabæ. Hún sér um
blómaræktina, en það kemur gjarnan í minn hlut að slá grasflötina,“
segir Víglundur. Hann kveðst alla tíð hafa verið mikill tónlistarunn-
andi. Ekki síst þyki sér óperuflutningur heillandi – og í tilefni 60 ára
afmælis fyrirtækisins hafi sér og öðrum innan fyrirtækisins þótt til-
hlýðilegt að bjóða alþjóð upp á slíka skemmtun á Menningarnótt og
Akureyrarvöku í stað þess að bjóða útvöldum til veisluhalda. Þakka
viðskiptavinum þannig fyrir trausta samfylgd í gegnum áratugina.
„Óperutónleikarnir á Klambratúni sem voru endurteknir viku
síðar í Listagilinu á Akureyri áttu sér ekki langan aðdraganda.
Hugmyndin var fyrst reifuð núna í júní og þegar ég nefndi þetta
við Jónas Ingimundarson píanóleikara, sagði hann að þó að tími
til stefnu væri ekki langur sakaði ekki að reyna. Í ljós kom að allir
reyndust boðnir og búnir að leggja málinu lið og sumir breyttu
sínum plönum til að geta verið með. Við fengum til liðs við okkur
frábæra söngvara, þau Ólaf Kjartan Sigurðarson, Kolbein Ketilsson,
Arndísi Höllu Ásgeirsdóttur, Kristin Sigmundsson og Sigríði Aðal-
steinsdóttur og Sinfóníuhljómsveit Norðurlands undir stjórn Guð-
mundar Óla Gunnarssonar,“ segir Víglundur. Hann er afar ánægður
með hvernig til tókst og telur viðbrögðin sýna að tónleikagestir og
velunnarar fyrirtækisins hafi kunnað vel að meta.
Arndís Halla Ásgeirsdóttir sópran söng af hjartans list.
FV.07.06.indd 28 7.9.2006 12:52:13