Frjáls verslun - 01.07.2006, Qupperneq 51

F R J Á L S V E R S L U N • 7 . T B L . 2 0 0 6 51
Að sögn Jóhönnu hafði Guðrún P. Helgadóttir skólastjóri
mikil áhrif á systurnar og kveikti áhuga þeirra á námi.
„Hún tók okkur í sértíma og kenndi okkur að meta gildi
menntunar.“ Í framhaldi af því fóru systurnar í Verslunar-
skóla Íslands og lauk Jóhanna námi á hagfræðisviði.
Jóhanna hefur alltaf haft áhuga á tónlist og hún hefur
gaman af því að dansa. Hún stundaði Hollywood af krafti
á Verslunarskólaárunum og var mikil diskódís. „Við
vinkonurnar höfðum gaman af því að lifa lífinu en það
var samt aldrei neitt vesen á okkur.“
Áhugi Jóhönnu á tónlist hefur ekkert minnkað með
árunum og vinir hennar segja að hún sé mikill rokk-
ari í sér og hefði hún ekki farið út í business hefði
hún örugglega orðið rokksöngkona. Hún er í námi við
söngskóla og hefur sungið í beinni útsendingu í Ísland
í bítið. Jóhanna segist hafa mest gaman af kraftmikilli
og rafmagnaðri tónlist. Hún reynir að fylgjast með því
sem er að gerast í tónlist í dag en vegna mikilla anna
segist hún ekki hafa eins mikinn tíma fyrir tónlistina
og hana langi til.
Auk tónlistarinnar hefur Jóhanna gaman af stangveiði
og hún hefur spilað golf í mörg ár. Hún hefur nokkrum
sinnum orðið Reykjavíkurmeistari í golfi í sínum flokki
og í fyrra sigraði hún í kvennaflokki á Arctic Open. Síð-
astliðið vor fór hún í 10 daga hjólreiðaferð þar sem hjólað
var frá Austurríki og yfir Alpana og niður eftir allri Ítalíu
og endað í Flórens. Jóhanna segist ætla að hjóla meira í
framtíðinni, hún sé komin með delluna, og sé þegar farin
að skipuleggja aðra hjólreiðaferð næsta vor.
Hefur þörf fyrir að stjórna
Jóhanna vissi ekki alveg í hvorn fótinn hún átti á stíga
eftir að hún kláraði Verslunarskólann. Hún hóf nám við
Kennaraháskólann, en fann sig ekki í því námi og hætt. Í
framhaldi af því hætti hún námi um tíma og fór að vinna
hjá IBM á Íslandi og keypti sér íbúð. Jóhanna starfaði hjá
IBM sem aðstoðarmanneskja sölumanna og ferðaðist
mikið vegna vinnunnar. Á þrítugasta ári skráði Jóhanna
sig í Háskóla Íslands og hóf nám í viðskiptafræði. Hún
var í sambúð með John Drummond á þeim tíma og þau
„HÚN TOPPAÐI
TINU TURNER“
Nafn: Jóhanna Waagfjörð.
Fædd: 13. október 1958.
Fjölskylduhagir: Ógift og barnlaus.
Menntun: MBA í viðskiptafræði.
Starf: Framkvæmdastjóri Haga.
Jóhanna
Waagfjörð,
framkvæmda-
stjóri Haga,
hefur margt
á sinni könnu
og hún situr
stjórnum í fjölda
fyrirtækja.
FV.07.06.indd 51 7.9.2006 12:54:42