Frjáls verslun - 01.07.2006, Qupperneq 72

72 F R J Á L S V E R S L U N • 7 . T B L . 2 0 0 6
bústaðina. Þeir eru til allt upp í 200 fer-
metra og jafnvel með tvöföldum bílskúr!
Það er ansi mikil fjárfesting fyrir frístundir
eða tómstundir fjölskyldunnar.“
- Nú mega menn hafa fasta búsetu í
sumarbústaðnum?
„Já, það er niðurstaða hæstaréttar að flytja
megi lögheimili í sumarhúsið sé það nógu
burðugt til að vera heilsárshús. Hins vegar
tel ég nokkuð víst að það eigi eftir að breyta
lögunum á einhvern veg. Við sem erum að
sinna þessum málum erum að móta hug-
myndir okkar um hvað þetta þýðir og
margir félagsmenn eru á móti þessu. Þeir
telja að lögheimili í sumarbústað brjóti upp
uppmyndina um sumarhúsið og umhverfi
þess. Í okkur hefur hringt fólk, hálfgrát-
andi, og kvartað undan því að í næsta
bústað sé komið fólk með lögheimili og
öllu sem því fylgir, hænsnum, mótorhjólum
og skellinöðrum og mikilli umferð, kyrrðin
sé farin.“
Bankalán og verðhækkanir
- Því hefur verið haldið fram að
nýju bankalánin til íbúðarkaupa
hafi haft áhrif til hækkunar á verð
íbúðarhúsnæðis. Fyrir fáum árum
tóku bankar að lána út á veð í sum-
arhúsum, hefur það ef til vill orðið til
þess að verð á sumarbústöðum hefur
hækkað?
„Já. Ég er ekki frá því að bankalánin hafi
haft áhrif á sumarbústaðaverð eins og á
fasteignaverð almennt.“
-Óttast menn offjárfestingu í sum-
arbústaðalöndum og bústöðum og að
hún geti átt eftir að fara illa, jafnvel
komi til verðhruns?
„Já, ég er dálítið hræddur um að þeir, sem
hafa verið að fjárfesta í þessum byggðum
til þess að hagnast á því, geti átt eftir að
fara illa á fjárfestingunni, þ.e. þeir sem
þurfa að endurselja lóðirnar. Varðandi
sumarbústaðakaupin þá er það með þau
eins og aðra neyslu, einstaklingar, sem
eru að kaupa bústað til eigin nota, fara á
flug og telja sig geta staðið við skuldbind-
ingar sínar en svo kemur kannski annað í
ljós. Þetta er auðvitað bara mín spá,“ segir
Sveinn Guðmundsson, formaður Lands-
sambands sumarhúsaeigenda.
Landssamband sumarhúsaeigenda
hefur mótmælt skattlagningu „hagn-
aðar“ af sölu sumarhúsa og farið
fram á að skatturinn verði afnuminn.
Staðreyndin er sú að fólk greiðir 10%
fjármagnstekjuskatt af mismuni á
kaup- og söluverði sumarbústaðar.
Landssambandið telur óeðlilegt að
fólk, sem kannski hefur byggt sum-
arhús sitt á löngum tíma og hefur átt
það í áratugi, greiði fjármagnstekju-
skatt af sölunni og spurt er: Hvernig
ætla menn að finna grunnkostnað
hússins? Hver er hann og í hverju
liggur hann?
Hreint afsvar um afnám skattsins
hefur komið frá stjórnvöldum.
Þessi skattlagning getur síðan
leitt til þess að greiðslur fólks frá
Tryggingastofnun skerðist sé það
farið að fá þaðan greiðslur. Skoðun
Landssambandsmanna er að um
ójafnvægi sé að ræða og sömu reglur
ættu að gilda og um sumarhús eins
og íbúðarhúsnæði, enda sé sum-
arhúsið framlenging á heimilin.
Settur hefur verið niður starfs-
hópur sem í eiga sæti fulltrúar
Landssambands sumarhúsaeigenda
og hins opinbera. Starfshópnum
er ætlað að fara yfir réttindi og
skyldur hins opinbera og sveit-
arfélaganna sem og eigenda sum-
arhúsa. Starfshópurinn á að skila
niðurstöðum á næsta ári. Honum er
ætlað að taka m.a. á þeim vanda
sem skapast hefur hjá þeim sem
eiga bústaði á leigulandi og kanna
hvernig hægt sé að tryggja rétt
þeirra.
Landssambandið vinnur ötullega
að réttindamálum sumarhúsaeig-
enda og reynir að tryggja að þeir
njóti þeirrar þjónustu sem ætti að
felast í gjöldum sem innt eru af
hendi til sveitarfélaganna, t.d. varð-
andi vegalagnir, viðhald á vegum,
snjómokstur, merkingar, rotþróar-
gjöld og sitthvað fleira.
S U M A R B Ú S T A Ð I R
RÉTTINDI OG SKYLDUR
Fyrir áratug var algengast að fólk færi að huga að sum-
arbústaðakaupum þegar það nálgaðist eftirlaunaald-
urinn. Nú virðist aldur markhópsins vera að lækka og
jafnvel ungt fólk vill kaupa sér bústað til þess að njóta
sveitasælunnar.
Breytingar á eignarhaldi snerta einnig orlofshús
stéttarfélaga þó nokkuð og gæti slíkum orlofshúsum
átt eftir að fækka að margra mati. Tilhneigingin virð-
ist sú að félögin selji bústaði fremur en að fjölga þeim.
Þannig má nefna að í sumarhúsalandinu í Brekkuskógi í
Biskupstungum hafa atvinnuflugmenn selt sína bústaði,
sömuleiðis Skipstjóra- og stýrimannafélagið Aldan og
Lögmannafélagið og í staðinn hafa einstaklingar fest
kaup á þeim sjö bústöðum sem félögin áttu þarna.
ALDUR OG EIGENDUR
FJÁRMAGNSTEKJU-
SKATTUR
Á „SÖLUHAGNAГ
FV.07.06.indd 72 7.9.2006 12:56:12