Frjáls verslun - 01.07.2006, Page 79

Hugurinn ber þig aðeins hálfa leið,“ segir í haust- og vetr-arferðabæklingi Icelandair en við vitum að Icelandair sér um að koma mönnum alla leið á áfangastaðinn.
Ferðabæklingurinn nefnist að þessu sinni Mín borg og þar segja
Íslendingar, sem dvalist hafa í borgunum sem Icelandair flýgur til, frá
því helsta og skemmtilegasta sem þær hafa upp á að bjóða og það er
ófátt.
Þorvarður Guðlaugsson, svæðisstjóri íslenska sölusvæðisins, bendir
á að ýmsar nýjungar sé að finna hjá Icelandair að þessu sinni. Sem
dæmi nefnir hann að áætlunarflug til Berlínar og Helsinki verði að
þessu sinni út október. Jafnlengi verði ferðir til Pétursborgar sem er
feikivinsæl meðal þeirra sem vilja skreppa í borgarferð. Þá verður
flogið til Manchester í allan vetur en borgin er að sögn Þorvarðar mjög
skemmtileg, verslanir og veitingahús góð, golfvellir á næsta leiti og svo
megi tengja ferðina fótboltanum því að í Manchester sé hægt að horfa
á leiki margra þekktra félaga. Loks verður flogið til Salzburg frá 27.
janúar til 3. mars sem gerir skíðafólki auðvelt fyrir að komast á frábær
skíðasvæði í Austurríki.
„Við leggjum áherslu á sérferðir bæði til fjarlægra staða og annarra
sem eru okkur nær. Farin verður ferð til New York með fararstjóra
í vetur og „Thanks Giving“-ferðin til Boston er orðin fastur liður í
ferðaáætlun Icelandair. Ennfremur má nefna siglingar í Karíbahafinu
og ferð til Bahamas í nóvember. Það er sannkölluð lúxusferð og menn
heimsækja þá m.a. veitingastaðinn þar sem hinn þekkti íslenski kokkur,
Villi Snær, annast matreiðsluna.“
Golf, mótorhjól og fornbílar
Icelandair gleymir ekki golfáhugamönnunum sem geta brugðið sér til
Skotlands og Flórída í golfferðir í vetur. Fyrir ári var stofnaður klúbb-
urinn Icelandair Golfers en þeir sem í honum eru þurfa t.d. ekki að
hafa áhyggjur af golfsettinu, flutningur þess er innifalinn í félagsgjald-
inu. Mótorhjólamenn eru hér ófáir og þeir gætu brugðið sér í sérstaka
mótorhjólaferð til Flórída svo að ekki sé talað um „Old Car“-ferðina til
Daytona Beach í Flórída sem alltaf hefur vakið mikla eftirtekt.
Borgarferðir verða að sjálfsögðu alltaf í boði til New York, Boston,
Baltimore, Washington, Minneapolis, London, Glasgow, Manchester,
Amsterdam, Frankfurt og Parísar og einnig til Kaupmannahafnar,
Oslóar og Stokkhólms. Í bæklingnum Mín borg lýsa Íslendingar
sem búa í borgunum því helsta sem ferðamaðurinn verður að skoða
og njóta í hverri borg. Auk alls þessa leggur Icelandair einnig mikla
áherslu á að sinna sérstaklega og skipuleggja hópferðir fyrir þá sem
þess óska.
Út októbermánuð gefst vildarklúbbs-
félögum kostur á að punkta niður ferða-
lagið með því að skipta á 10.000 vild-
arpunktum og 6000 króna greiðslu upp
í fargjaldið en það er nýjung sem margir
munu eiga eftir að nýta sér.
Icelandair:
Icelandair flytur þig
þangað sem þú vilt fara
Þorvarður Guðlaugsson, svæðisstjóri íslenska sölusvæðisins.
FV.07.06.indd 79 7.9.2006 12:57:03