Frjáls verslun - 01.07.2006, Qupperneq 106

106 F R J Á L S V E R S L U N • 7 . T B L . 2 0 0 6
FÓLK
Sirrý Hallgrímsdóttir er aðstoðarframkvæmda-stjóri Creditinfo Group,
fyrirtækis sem hefur verið
í útrás undanfarin ár. Credit-
info Group er móðurfyrirtæki
Lánstrausts hf., sem er íslenski
hluti starfseminnar, en í heild
er starfsemin í 23 löndum. Meg-
instarfsemi Creditonfo Group
er lánshæfnismat á fyrirtækjum
og einstaklingum. „Mitt starf
felst í því að vera í sérverk-
efnum fyrir framkvæmdastjóra
fyrirtækisins og hef ég verið
mikið í útlöndum undanfarna
mánuði. Í sumar var ég meira
og minna að vinna í Grikklandi
og á Möltu. Þar höfum við verið
að innleiða stefnumótandi
ákvarðanir og ferli sem nýtist
okkur í þeirri miklu útrás sem
Creditinfo Group stundar.“
Sirrý er spurð hvort ekki
hafi verið erfitt að vinna í sum-
arhitanum í Grikklandi þar sem
hitinn fer oft vel yfir 30 gráður:
„Það var að vissu leyti nokkuð
erfitt fyrir mig, sem er vönust
íslenskri veðráttu, en mér til
happs var júní frekar kaldur á
grískan mælikvarða, sem hent-
aði mér ágætlega, en vissulega
var stundum mjög heitt og hefði
verið þægilegra að vera í frí en
í vinnu.“
Sirrý hóf störf hjá Creditinfo
Group í júní á síðasta ári. Hafði
áður verið framkvæmdastjóri
Sjá ehf., en hún er ein af þremur
konum sem eru eigendur fyr-
irtækisins og er Sirrý stjórn-
arformaður. Varðandi starf sitt
hjá Creditinfo Group segir Sirrý
það mjög gefandi og lærdóms-
ríkt: „Við erum að koma okkur
fyrir í ýmsum ólíkum löndum
og höfum lagt áherslu á Mið-
og Austur-Evrópu. Að kynn-
ast ólíkum menningarheimum
er hluti af starfinu, auk þess
sem alltaf er gaman að takast
á við krefjandi verkefni í fyr-
irtæki sem er í mikilli uppbygg-
ingu. Vil ég geta þess að andinn
innan fyrirtækisins er frábær
sem skilar sér síðan í góðum
árangri.“
Þrátt fyrir mikla vinnu og
erilsamt starf þar sem ferða-
lög er hluti starfsins, er Sirrý
að hefja nám við í Háskól-
ann í Reykjavík: „Ég hafði
áður numið rekstrarfræði við
Tækniháskólann með áherslu á
alþjóðamarkaðsfræði, en taldi
nú kominn tíma til að setjast á
skólabekk aftur og skráði mig
í MBA-nám í HR og er að byrja
í haust. Námið er tvö ár og
sniðið af þörfum atvinnulífins
svo að hægt er að vinna með
því. Námið hentar mér því mjög
vel. Framundan hjá mér er ekki
mikill tími fyrir annað en nám
og vinnu og má segja að sum-
arfríið mitt í ár hafi meira og
minna farið í að kynna mér
MBA-námið og undirbúa mig
fyrir veturinn. Það er að mörgu
að huga þegar lífsmunstrinu er
breytt.“
Sirrý segir að eftir að hafa
dvalið í Grikklandi í sumar
hafi það verið eins og að fara
í frí að koma heim til Íslands:
„Ég hef notið þess að keyra
út á land og stunda hesta-
mennskuna, sem er mitt aðal-
áhugamál. Fjölskylda mín
hefur alla tíð verið í hestum
og ég verið frá barnæsku á
hestbaki. Nú á ég einn hest
sem verið er að temja og er
ég mjög spennt að sjá hvað
verður úr honum. Hann er
þessa stundina staðsettur í
Gunnarholti. Vegna starfs
míns hefur hestamennskan
verið til hliðar, en vonandi
verður breyting á, allavega er
ætlun mín að vera eitthvað á
hestbaki í vetur.“
Nafn: Sirrý Hallgrímsdóttir.
Fæðingarstaður: Kaupmannahöfn,
15. janúar 1971.
Foreldrar: Hallgrímur Jónasson
og Oddný Björgvinsdóttir.
Menntun: Rekstrarfræði í
Tækniháskólanum, er í MBA-námi
í Háskólanum í Reykjavík.
aðstoðarframkvæmdastjóri Creditinfo Group
SIRRÝ HALLGRÍMSDÓTTIR
Sirrý
Hallgrímsdóttir:
„Framundan hjá
mér er ekki mikill
tími fyrir annað en
nám og vinnu.“
FV.07.06.indd 106 7.9.2006 13:01:43