Tímarit Máls og menningar - 01.09.1984, Blaðsíða 37

Arásin í nedanjarðarlestinni
— Þarna, og deplaði augunum í átt að brúnmáluðum ofni bakvið
fatahengið.
— Einn bjór, sagði maðurinn og settist við borðið næst glugg-
anum.
A því lá dagblað. Aðeins tveggja daga gamalt og á þeim tíma hafði
hellst yfir það kaffi og bjór. Einhver hafði skrifað „Pierre“ yfir hálfa
baksíðuna og rifið úr auglýsingu.
Hann leit út. Enn hafði ekki verið opnað í Tryggingastofnuninni.
„Stórfelldur niðurskurður á ríkisfjárlögum" var slegið upp á for-
síðunni. Fyrir neðan stóð smærra letri:
Niðurskurður sá sem stjórnin boðaði í kosningunum kemur til framkvæmda
á morgun. Þeir útgjaldaliðir sem verða helst fyrir barðinu á niðurskurðinum
eru: mennta- og heilbrigðismál alls 870 milljónir franka, varnarmál 420
milljónir franka, tryggingar 316 milljónir og landbúnaður 211 milljónir. Þetta
er mesti niðurskurður á fjárlögum sem nokkur ríkisstjórn hefur framkvæmt
frá því 1951. Búist er við hörðum mótmælum verkalýðshreyfingarinnar og
er . . .
— Fyrirgefið, sagði maðurinn, getið þér sagt mér hvað klukkan
er? En enginn virtist heyra í honum. Hann leit því aftur út um
gluggann. Engin breyting.
18 létust og 42 særðust er öflug sprengja sprakk við skrifstofur Air India
flugfélagsins í Nýju Dehli í gær. Enginn hefur enn lýst ábyrgðinni á hendur
sér. Þó er talið að þjóðfrelsishreyfing Dakóíta standi á bak við þetta tilræði,
en þeir hafa borið ábyrgð á mörgum svipuðum sprengingum undanfarin ár.
Þjóðfrelsishreyfing Dakóíta, O.L.D. berst fyrir sjálfstæði . . .
Afgangurinn af greininni var rifinn burt. Maðurinn faldi andlitið í
lófunum stutta stund en hélt svo áfram að lesa.
Utanríkisráðherra Japans sem nú er í opinberri heimsókn í Frakklandi verður
2. feb. haldin veisla í Elysée-höll. í fjarveru Mitterands mun félags-
málaráðherra, Armand Giesbert, taka á móti honum. Herra Asiki hefur á
meðan heims . . .
Maðurinn braut blaðið saman. Hann laumaði því varlega undir
peysuna og stóð á fætur. Skildi eftir 5 franka pening á borðinu og
klæddi sig í frakkann.
387