Tímarit Máls og menningar - 01.09.1984, Blaðsíða 40

Tímarit Mdls og menningar
Þá loksins kom lögreglan og leit aðeins á hann.
Því hafði Michel stolið langri reiðhjólakeðju sem hann geymdi í
vinstri jakkavasanum. Hann hafði þó ekki barið neinn ennþá. Venju-
lega nægði að sveifla henni í kringum sig og hlaupa svo burt.
Og nú stóð hann kyrr og sneri bakinu í vindinn. Eigandinn hafði
fært sig frá dyrunum en fylgdist enn vel með honum gegnum
gluggann. Glennti upp augun og horfði með vaxandi kvíða á tvo aðra
nálgast.
Annar var klæddur í græna regnkápu og krúnurakaður. Hinn var
með gleraugu og át blautt franskbrauð.
Michel leit hægt upp og horfði á þá.
— Góðan daginn, sagði hann rólega. Hinir kinkuðu kolli.
— Komiði, sagði Michel svo, við skulum fara í metróið. Þeir
jánkuðu báðir. Sá með gleraugun reyndi að þurrka af þeim með
puttunum.
— Eigiði pening? Ég get lánað ykkur, ég er með eitthvað. Síðan
löbbuðu þeir þrír af stað.
V
Moran dró inn magann og tosaði buxurnar upp um sig. I kommóð-
unni fann hann óstraujaða stuttermaskyrtu og klæddi sig í hana. Atti
í nokkrum erfiðleikum með að hneppa efstu tölunum.
Hann hafði kveikt öll ljósin í íbúðinni þegar hann kom heim,
meira að segja á baðinu. Farið úr blautu fötunum og þvegið sér
lauslega með þvottapoka. Tekið gömlu myndina og þurrkað rykið af
glerinu.
Þetta var mynd af honum tekin fyrir 37 árum í Cuyaba í Brasilíu.
Hann sat í hægindastól á búgarði Don Alejandros og saug kókós-
mjólk gegnum strá. Þá hafði hann verið grannur með hvöss augu og
burstaklippt hár.
Þegar hann hafði klætt sig í hrein föt fór hann í ísskápinn og tók
upp flösku af bjór. Fötin þrengdu að Bob á allan hátt og hann var
orðinn nokkuð andstuttur.
Hann horfði ýmist á myndina eða út um gluggann.
Er hann hafði lokið við bjórinn fór hann frarn á gang og opnaði
eina fataskápinn í íbúðinni. Þar hékk gamall leðurjakki.
Moran fór höndum um hrjúft leðrið með lotningu. Svo tók hann
390