Gripla - 01.01.1998, Page 38

36
GRIPLA
hætti. Þá er í kverinu gríska stafrófið á hluta úr síðu. Af því taka við „Ny-
fundner Bragarhætter Ama Bódvarssonar vid Braavallar Bardaga Rýmur“,
endar á 8. hætti, Bragagjöf.2 Þá eru í handritinu brot úr bænum, m.a. hvíta-
sunnusamstæðu.
Annálsbrotið er sem fyrr segir fremst í Lbs 1206 8vo á fjórblöðungi og eru
fremsta og aftasta blað dekkri og blettóttari en þau sem innaní eru, raufar eru
í blaðjöðrum og bendir allt til þess að fjórblöðungurinn hafi verið stakur og
hlífðarlaus lengi. Utanum blöðin er brotið gulleitt blað sem á stendur: „Ann-
áll 1213-1303 skr. c. 1620.“ Annálsbrotið er ritað með settleturshendi sem
virðist örugglega frá fyrri hluta 17. aldar. Blaðtölur eru engar og verður ekki
séð yfir hve langt tímabil annállinn hefir upphaflega náð.
Sunnudagsbókstafir og prikstafir em notaðir til þess að marka tíma í
annálsbrotinu, og er það ótvírætt vitni þess að skrifað er eftir fornum annál.
Textinn er skyldari Konungsannál en öllum öðrum fornum annálum sem
varðveittir eru. Það sem ótvírætt sker úr um það er grein í 1206 við árið 1294
um landskjálfta á Rangárvöllum, sem segir að brunnar urðu ásýndar sem
mjólk í þrjá daga í Flagbjamarholti, og er orðrétt samhljóða grein við sama ár
í Konungsannál (Islandske Apnaler: 144). Slík grein er hvergi annarstaðar í
varðveittum fornum annálum. Annað atriði sem vísar á náinn skyldleika við
Konungsannál er að í 1206 segir við árið 1226 að Guðmundur biskup sat á
Hólum, en hvergi nema í Konungsannál og Guðmundar sögu C-gerð segir
berum orðum að Guðmundur hafi dvalist á Hólum þann vetur; í „Ævi Guð-
mundar biskups" segir hann hafi dvalið þrjá vetur að Hólum (1223-1226)
(Guðmundar sögur biskups 1983:12). Langflestar greinar í 1206 eru nær
orðrétt samhljóða Konungsannál en þó efnislega styttri. Latnesk orð í Kon-
ungsannál eru undantekningalaust á íslensku á samsvarandi stöðum í 1206:
legifer í Konungsannál verður lögmaður í 1206; í stað iterum í Konungsannál
hefir 1206 annað sinn eða annan tíma, 0 í Konungsannál er deyði í 1206.
Þær greinar í 1206 sem ekki eiga sér hliðstæður í Konungsannál eiga sér
flestar ýmist samsvaranir í Laurentius sögu, Lögmannsannál eða Gottskálks-
annál einsog rakið verður hér að lyktum.
Annálsbrotið í 1206 fer hér á eftir, eins stafrétt og kostur er. Skáletrað er
þar sem leyst er úr böndum og sett stærra letur þar sem handritið býður.
2 Um bragarháttu Brávallarímna, sjá inngang eftir Bjöm K. Þórólfsson (1965:ccviii-ccxv).