Ritið : tímarit Hugvísindastofnunar - 01.01.2011, Qupperneq 91

91
Lítill vafi leikur á að enginn velur illskuna illskunnar vegna. Menn villast
bara á henni og hamingjunni, hinu góða sem þeir leita.
Mary Wollstonecraft (1790), úr bréfi til Edmunds Burke
„Hér er ég! En ég er enginn þrjótur“, var svarað. Þetta var feiti strákurinn.
Charles Dickens: Pickwick blöðin (1837), 9. kapítuli
Um þetta snýst harmleikurinn. Sérhver maður er fastur í kerfi sem knýr
hann til þess að auka við hjörð sína endalaust í takmörkuðum heimi. Allir
menn eru á fleygiferð í átt til tortímingar og hver og einn reynir að styrkja
hag sinn í samfélagi sem leggur traust sitt á almenningsfrelsið. Frelsi innan
almenningsins tortímir öllum.
Garrett Hardin: „Harmleikur almenningsins“, Science 1968
Á málþinginu „Kyn og loftslagsbreytingar“ við Háskóla Íslands 5. febrúar
2010 var fjallað sérstaklega um ólíka ábyrgð kynjanna á loftslagsbreyting-
um og áhrif þeirra á umræðuna.1 Fyrirlesarar beindu augum að ólíku
neyslumynstri karla og kvenna og töldu konur geta haft jákvæð áhrif á
þróun mála af því að þær stýrðu allajafna innkaupum á heimilum. Kynntar
voru rannsóknir sem benda til að náttúruhamfarir sem tengjast veðurfars-
breytingum bitni harðar á konum en körlum. Einnig var rætt um hvaða
áhrif það kunni að hafa að karlar fremur en konur sitja við samningaborðin
á ráðstefnum á borð við þær í Ríó, Kyoto og Kaupmannahöfn og móta
framtíðarstefnu mannkyns í loftslagsmálum.2 Í pallborðsumræðunum í
1 Grein þessi er liður í rannsóknaklasa EDDU – öndvegisseturs í gagnrýnum sam-
tímarannsóknum við Háskóla Íslands. Ég þakka nafnlausum ritrýnum Ritsins yfir-
lesturinn.
2 Um dagskrá málþingsins má frekar lesa á heimasíðu Rannsóknastofu í kvenna- og
kynjafræðum. Sjá: http://www.rikk.hi.is/kyn_og_loftslagsbreytingar [sótt 27. maí
2010].
Guðni Elísson
Dómsdagsklukkan tifar
Upplýsing og afneitun
í umræðu um loftslagsbreytingar
Ritið 1/2011, bls. 91–136