Ritið : tímarit Hugvísindastofnunar - 01.01.2011, Page 123

123
Hólmfríður Garðarsdóttir
Ríkjandi rótleysi
Dáðleysi ungra manna
í mexíkóskum stórborgarmyndum
það eina sem muni bjarga mankyninu [svo]. Því eins og allir vita þá
hafa aukin ríkisafskipta [svo] gert öllum svo rosalega gott. Rauðu
kommarnir eru komnir með einhverja græna slikju utan um málstað
sinn og er allt í einu annt um náttúruna. Ég segi bara eins og Hannes
sagði meðan hann var enn frjálshyggjumaður: þetta eru eins og
vatnsmelónur grænir að utan en eldrauðir að innan.82
Pólitíska túlkunin varpar skýrara ljósi á samsærisrökin sem rætt var um hér
að framan. Vísindasamfélaginu er samkvæmt þeim beint í tilteknar áttir
með hjálp styrkja og rannsóknaráætlana. Það er hagur í því fyrir vísinda-
menn að framleiða fleiri rannsóknir sem styðja við hugmyndina um hnatt-
ræna hlýnun því að í þann málaflokk fara stærstu styrkirnir. Hannes
Hólmsteinn Gissurarson segir samtímavísindi lúta lögmálum markaðar-
ins, þau séu ofurseld lögmálinu um framboð og eftirspurn. Að viti
Hannesar er meiri eftirspurn „eftir spám um það, að heimurinn sé í hættu,
en um hitt, að hann sé það ekki“ og þeir sem hvetja til aðgerða fá „um sig
fréttir og hljóta stöður og styrki. Ef þeir segja hins vegar, að ekkert þurfi að
gera, þá dofnar áhuginn, stöðum fækkar og styrki þrýtur“.83
Að baki slíkum hagsmunarökum býr pólitísk túlkun því að vinstri sinn-
uðum stjórnmálamönnum hlýtur samkvæmt kenningunni að vera akkur í
því að styðja við rannsóknir sem óhjákvæmilega leiða til ýmiss konar hafta
82 Sjá athugasemd við færslu Geirs Ágústssonar, „Rýma þarf stæði fyrir einkaflugvél
Al Gore á Reykjavíkurflugvelli“, 17. mars 2008: http://geiragustsson.blog.is/blog/
geiragustsson/entry/477512/ [sótt 22. júní 2010].
83 Hannes Hólmsteinn Gissurarson, „Vísindi eða iðnaður?“, bls. 34. Frjáls-
hyggjumaðurinn Fannar Hjálmarsson frá Rifi er sama sinnis. Hann segir í einni af
bloggfærslum sínum: „Ég hallast að því að þessir vísindamenn séu í raun að berjast
fyrir áframhaldandi rannsóknarstyrkjum handa sér. Þeir eru að vernda eigið starf
og gera það með sínum orðum nauðsynlegra í eyrum margra sem á þá hlusta.“ Sjá:
„Veruleikafyrring [svo] eða hagsmunagæsla?“, 15. febrúar 2009: http://fannarh.
blog.is/blog/fannarh/entry/944164/. Í annarri færslu heldur hann því fram að
hrakspárorðræðan sé sett fram í því skyni að þrýsta á auknar fjárveitingar úr ríkis-
sjóði: „Dómsdagsspámenn hnattrænnar hlýnunar eru farnir að verða stóryrtari
með hverjum deginum sem líður. Getur verið að þeir séu að koma fram með öll
þessi gífur yrði [svo] vegna þess að þegar fjöldi fólks heyrir þau, þá verður það
hrætt. Þegar það er hrætt þá setur það pressu á stjórnmálamenn sína til þess að
gera eitt hvað í málinu. Það eina sem þeir kunna er að setja umrædda vísindamenn
á styrkveitingar úr ríkissjóði. Er það kannski markmið þessara vísindamanna?“. Sjá
„Hlýnunin leiði til dómsdagsspádóma og annarra [svo] móðursýki“, 7. september
2009: http://fannarh.blog.is/blog/fannarh/entry/944164/ [allt sótt 23. júní 2010].
DÓMSDAGSKLUKKAN TIFAR