Ritið : tímarit Hugvísindastofnunar - 01.01.2011, Side 212

212
JONATHAN COLE
Áróður Ísraelsríkis og utanríkisstefna Bandaríkjanna. Þeir héldu því fram að
til væri þrautskipulögð og velmegandi áróðursstöð í Bandaríkjunum sem
byggi til sérstakt efni til að styðja Ísraelsríki í þinginu í málum sem hafa
kannski ekkert sérstakt hernaðarvægi fyrir Bandaríkin, auk voldugra
stuðningshópa sem leggja áherslu á bandaríska háskólaumræðu í þeim til-
gangi að gera tortryggilega þá prófessora sem eru andvígir stefnu
Ísraelsríkis. Árásirnar á Mearsheimer og Walt, sem ekki voru aðeins á
fræðilegum grundvelli heldur líka pólitískum, voru óvenju harkalegar og
vægðarlausar. Margar staðhæfingar í þessari bók eru þess eðlis að for-
vitnilegt væri að takast á um þær, en fræðileg umræða vék fyrir persónu-
legum árásum á höfundana. Þegar breski gyðingurinn, menntamaðurinn
og félagssagnfræðingurinn Tony Judt gagnrýndi stefnu Ísraels og lýsti yfir
stuðningi við einsríkis-lausnina á deilum Ísraels og Palestínu, leystist úr
læðingi flaumur óhróðurs um hann og mikilvægum samtökum gyðinga
tókst að láta afturkalla öll boð til Tony Judt um að halda fyrirlestra.
Auðvitað standa gyðingar ekki einir fyrir árásum á akademískt frelsi en
þáttur þeirra í þessum nýliðnu atburðum er grátbroslegur. Í mörgum til-
vikum hafa baráttumenn og menntamenn úr röðum gyðinga beitt sér af
fullum þunga til þess að einangra enn frekar jaðarsettan minnihlutahóp og
meina honum aðgang að ráðandi orðræðu við helstu háskólana. Ekkert
getur eða ætti að hindra talsmenn gyðinga í að gagnrýna hugmyndir sem
þeir telja einskis virði en viðleitni þeirra fer langt út fyrir vitsmunalega
orðræðu. Hún ber í sér tilraunir til pólitískra afskipta af stöðuveitingum
með því að nota stúdenta, stuðningsmannahópa, löggjafa og samtök eldri
nemenda til að þröngva háskólunum til að hafna fastráðningu og vísa á dyr
ákveðnum fræðimönnum. Kaldhæðnin er augljós: Þetta er nákvæmlega
það sem gerðist í málum fræðimanna af gyðingaættum þegar þeir sóttu í
framhaldsnám og fóru að leita eftir stöðum í bestu háskólunum í
Bandaríkjunum. Hvað hefði gerst hefðu háskólarnir og aðrir málsvarahóp-
ar (e. advocacy groups) beitt sér gegn því að ráða vísindamenn af gyðinga-
ættum og fræðimenn frá Þýskalandi nasismans sem gátu fundið sér vett-
vang við marga okkar fremstu háskóla á fjórða áratug síðustu aldar þrátt
fyrir þá miklu gyðingaandúð sem þreifst í Bandaríkjunum? Háskólamenn
af gyðingaættum urðu að sigrast á sterkri pólitískri andstöðu og hleypi-
dómum í sinn garð.62
62 Það er alkunn staðreynd að háskólamenn af gyðingaættum og bandarískir gyðing-
ar eru yfirleitt meðal frjálslyndustu íbúa Bandaríkjanna. En frjálslyndi þeirra á
ýmsum sviðum hefur á síðustu áratugum verið í mótsögn við hagsmuni þeirra