Glóðafeykir - 01.04.1989, Side 7

GLOÐAFEYKIR
5
Mcelifellshnjúkur.
haft á að skipa farsælum stjórnendum, sem hafa, þrátt fyrir stórhug,
jafnan sýnt þá fyrirhyggju og festu, sem dugað hefur til að forða
félaginu frá áföllum á erfiðum tímum.
Nú á aldarafmæli Kaupfélags Skagfirðinga flyt ég því árnaðaróskir
og þakka starfsfólki félagsins fyrir góð og giftudrjúg störf og
félagsmönnum samheldni og skilning á gildi samvinnu og samstarfs.
Þá vil ég láta í ljós þá ósk, félaginu til handa, að það megi halda
áfram að eflast og dafna til hagsbóta fyrir skagfírskar byggðir og íbúa
þeirra og að markmið samvinnumanna verði jafnan höfð að leiðarljósi
í samræmi við breytta tíma á nýrri öld.