Glóðafeykir - 01.04.1989, Síða 16

14
GLÓÐAFEYKIR
persónuleg. Jónas tók dæmi úr daglega lífinu og skýrði þau svo út frá
sögulegum staðreyndum. Oft hef ég undrast það að hann skyldi eyða
tima sínum og kröftum starfsaldur sinn allan í að segja til unglingum
þessi maður, sem var brautryðjandi í þjóðfélagsmálum og
stjórnmálum. A námsárum mínum var skólinn til húsa á efstu hæð
Sambandshússins en Jónas þá nýfluttur úr íbúð sinni þar. Kannski
segir það meira en mörg orð að hann skyldi búa í áratugi með
fjölskyldu sinni í svo þröngum húsakynnum og með herbergi nemenda
á bak við næsta þil.
Þetta var góður hópur sem var með mér í Samvinnuskólanum. Eg
minnist meðal annarra Hannesar Jónssonar, sem starfað hefur í
utanríkisþjónustunni, Alberts Guðmundssonar sem er þekktur
maður, fyrst og fremst sem glæsilegur íþróttamaður og afreksmaður
þar eins og síðar í stjórnmálunum. Einnig voru mér samtíða Alexander
Stefánsson fyrrverandi ráðherra, Guðni Þórðarson ferðamála-
frömuður og fleiri mætti upp telja.”
Þú varst einn af lærisveinum Jónasar frá Hriflu og seinna starfaðir
þú með Ólafi Jóhannessyni. Þessir menn áttu sömu hugsjónir og
markmið, en voru þeir ekki ólíkar persónur?
„Jú mjög svo en þeir störfuðu samt mjög mikið saman á tímabili.
Eins og ég sagði áðan, var Jónas eldhuginn. Hann var í forystusveit
Sambandsins allt frá 1918 og fram um 1950. Ólafur var aftur á móti
hinn trausti athuguli maður. Hann var lögfræðingur að mennt og strax
að námi loknu gerðist hann lögfræðilegur ráðunautur Sambandsins og
var það um árabil. Öll mál sem Ólafur tók að sér voru í góðum
höndum. Eg var að ljúka námi í Samvinnuskólanum þegar verið var að
setja á stofn fræðsludeild SIS undir handleiðslu Ólafs. Eg fékk vinnu
hjá fræðsludeildinni og var þar í tvö ár. Eftir það kom ég hingað
norður og hóf störf hjá Kaupfélagi Skagfirðinga og hef unnið þar
óslitið síðan.”
Frá lítilli búð og tveimur skrifstofum til stórfyrirtækis
,,Ég hafði áhuga fyrir málefnum kaupfélagsins löngu áður en ég fór
að vinna þar og hef fylgst með sögu þess frá því að ég var unglingur
heima í sveitinni. Kaupfélag Skagfirðinga var stofnað 1889 og verður
því 100 ára nú í apríl. Það starfaði fyrst sem pöntunarfélag en 1918
urðu tímamót í sögu K.S. Þá tók við framkvæmdastjórn félagsins
Sigfús Jónsson prestur frá Mælifelli. Frá þeim tíma hefur félagið vaxið