Glóðafeykir - 01.04.1989, Side 21

GLOÐAFEYKIR
19
Guttormur á góðhestinum Grána.
og einnig í stjórnmálum. Þar fyrir utan hef ég lagt stund á
hestamennsku og lestur góðra bóka.
Ég átti löngum góða hesta. Tveir eru mér minnisstæðastir og ég get
varla gert upp á milli þeirra. Ef til vill er það álitamál hvor var meiri
gæðingur en annar þeirra er alveg ógleymanlegur sakir fegurðar og
vitsmuna. Hestar hafa misjafna skapgerð og misjafna greind alveg eins
og mennirnir. Lundarfar þeirra er mjög breytilegt og þessi hestur sem
hét Gráni var svolítill prakkari. Hann átti það til að vera óþjáll og
óþægur á meðan knapinn var að koma sér í hnakkinn. I fyrstu sýndi
hann mér hrekki þegar ég var að fara á bak en lagði það fljótlega niður.