Glóðafeykir - 01.04.1989, Side 30

28
GLOÐAFEYKIR
svæðið var Hólahreppur, Viðvíkurhreppur og Rípurhreppur. Annað
svæði var Akrahreppur milli Bólu og Þverár, og Seyluhreppur út að
Grófargili. Loks var þriðja svæðið, Lýtingsstaðahreppur,
Seyluhreppur utan Grófargils og Staðarhreppur. Þar sem ekki voru
vegir urðu framleiðendur að sjá sjálfir um flutning á mjólkinni í veg
fyrir mjólkurbílinn. Kaupfélagsmenn hvöttu mjög til vegabóta í
sýslunni og má segja að 1950 hafi verið komnir vel akfærir vegir um
allar sveitir nema til stöku bæja.
Tankvœðingin krafðist mikilla fjárfestinga hjá bændum. A myndinni sjáum við
hluta tœkjabúnaðar í mjólkurhúsinu í Utvík.
Ekki hafði mjólkursamlagið starfað lengi þegar í ljós kom. að gamla
samlagshúsið var alls ófullnægjandi, enda urðu umsvif í
mjólkurframleiðslu meiri með hverju ári sem leið. A aðalfundi árið
1946 var kosin húsbygginganefnd til að fjalla um húsnæðismál
félagsins almennt. Gerði hún það að tillögu sinni að reist skyldi nýtt
samlagshús á hentugum stað. Hinu húsinu skyldi breytt í sölubúðir.
Þegar hér var komið var raunar búið að skilja mjólkursamlagið frá
K.S. þannig að það laut sjálfstæðri stjórn og fjármál voru sér. Bygging
nýs mjólkursamlagshúss hófst 1947, en gekk hægt vegna fjárskorts.
Var samþykkt á aðalfundi 1948 að K.S. lánaði samlaginu fé til