Glóðafeykir - 01.04.1989, Blaðsíða 41

GLÓÐAFEYKIR
39
Fallnir félagar
Þessir þættir um látna félaga Kaupfélags Skagflrðinga eru, eins og
hinir fyrri, skráðir af Gísla heitnum Magnússyni í Eyhildarholti, sem
um langt árabil var formaður stjórnar K.S. Þeir eru flestir skrifaðir
skömmu eftir lát viðkomandi og upplýsingar því stundum miðaðar við
ritunartíma. Ber að hafa þetta í huga við lestur þáttanna.
Jónas Björnsson, vélstjóri frá Keflavík, lést af slysförum hinn 29. apríl
1977.
Hann var fæddur að Ytri-Húsabakka í Seyluhreppi 16. apríl 1925,
sonur Björns bónda þar Pálmasonar og konu hans Sigurbjargar
Jónsdóttur Ósmanns í Utanverðunesi; var
Jónas albróðir Jóns, sjá Glóðaf. 21, bls. 68.
Móðir Jónasar var sjúklingur, er
drengurinn fæddist, komst eigi til heilsu og
dó skömmu síðar; faðir hans var eigi heldur
heill og lést áður en Jónas var fullra fjögurra
ára. Þegar við fæðingu var Jónas fluttur að
Keflavík í Hegranesi og tekinn í fóstur af
Gunnari bónda þar Ólafssyni og konu hans
Sigurlaugu Magnúsdóttur frá Utanverðu-
nesi, afasystur sinni, ólst þar upp fram undir
tvítugsaldur, var þar og löngum viðurloða
síðar á ævinni, unni þeirri jörð um aðra staði
fram og var oftast við Keflavík kenndur.
Jónas í Keflavík var fæddur veiðimaður,
sjómaður og skytta. Hann var lagvirkur
ágætlega, vélhneigður mjög og gerðist
vélstjóri á ýmsum skipum, bæði hjá Útgerðarfélagi Skagfirðinga o. v.,
síðast fyrsti vélstjóri á togskipinu Trausta frá Suðureyri í
Jónas
Björnsson