Glóðafeykir - 01.04.1989, Side 47

GLÓÐAFEYKIR
45
þeirra er Gylfi, kaupmaður á Sauðárkróki. Dóttur eignaðist Geirald
áður en hann giftist, Erlu, húsfreyju á Sauðárkróki. Er hún kjördóttir
Lárusar bónda í Hólkoti á Reykjaströnd, Sveinssonar og konu hans
Unu Jónsdóttur.
Geirald Gíslason var góður meðalmaður á vöxt og allþrekinn,
þeldökkur, yfirbragðsmikill ásýndum en eigi smáfríður. Ævi hans var
eigi tengd umsvifum af neinu tagi né miklu veraldarvési, enda
hávaðalaus maður og góðviljaður, lipur verkmaður, eigi afkastamikill
en iðinn, trúr og skyldurækinn í öllu starfí, vinsæll maður og drengur
góður.
Óskar Gíslason, bóndi á Sleitustöðum í Kolbeinsdal, andaðist
snögglega hinn 27. júlí 1977.
Hann var fæddur á Minni-Ökrum í Blönduhlíð 11. júlí 1897, sonur
Gísla bónda þar Þorfinnssonar og konu hans Guðrúnar Jónsdóttur
bónda í Miðhúsum í Blönduhlíð, Björns-
sonar. Var Óskar albróðir Aðalbjargar í
Miðhúsum, sjá Glóðaf. 19, bls. 62, og Jóns
bónda á s.st., sjá Glóðaf. 22, bls. 59.
Þriggja ára gamall fluttist Óskar með
foreldrum sínum að Miðhúsum, skamman
spöl, og óx þar upp, einn í hópi 7 systkina, er
upp komust, glöðum hópi og myndarlegum.
Um tvítugsaldur sótti Óskar sem fleiri góðir
Skagfirðingar, er síðar urðu bændur,
lýðskóla Sigurðar Þórólfssonar á Hvítár-
bakka, stundaði þar nám í tvo vetur og hlaut,
sem aðrir, er þar námu, hið ágætasta
vegarnesti.
Snemma fór Óskar að vinna utan heimilis,
var einkum í kaupavinnu á sumrin, fór af
honum brátt orð sem afburða verkmanni.
Var nokkur sumur kaupamaður hjá Jóhannesi bónda Guðmundssyni
í Ytra-Vallholti, sem varalkunnurákafamaður, mannvandur og hældi
ekki hverjum sem var. En það orð hafði hann um, að Óskar í
Miðhúsum væri einn af fáum afburða heyskaparmönnum, er hjá sér
hefðu unnið.
Oskar
Gíslason