Glóðafeykir - 01.04.1989, Qupperneq 48

46
GLOÐAFEYKIR
Árin 1927-1929 nytjaði Óskar Minni-Akra að hluta, en var enn til
heimilis í Miðhúsum. Árið 1933 kvæntist hann Sigrúnu Sigurðardóttur
bónda og kennara á Sleitustöðum, Þorvaldssonar og konu hans
Guðrúnar Sigurðardóttur bónda á Víðivöllum i Blönduhlíð. Var
Sigrún alsystir Gísla á Sleitustöðum, sjá Glóðaf. 14, bls. 76, en
móðursystir þeirra var Lilja í Ásgarði, sjá Glóðaf. 16, bls. 75. Þau
Óskar og Sigrún settu þegar saman bú á Minni-Ökrum, enfluttu 1935
að Sleitustöðum og bjuggu þar alla stund síðan meðan bæði lifðu, fyrst
og lengi í sambýli við foreldra Sigrúnar og síðar bróður, Sigurð bónda.
Var sambýlið á Sleitustöðum rómað fyrir tillitssemi á báða bóga og
einstaka samheldni fjölskyldnanna. Eru fleiri íbúðarhús í einu og
sama túni þar á Sleitustöðum en til þekkist annars staðar og bera því
ljósan vott, hversu traust hafa reynst fjölskylduböndin á þeim bæ.
Óskar á Sleitustöðum var hlédrægur maður og vék sér undan
opinberum störfum þótt betur væri fallinn en margur annar fyrir
réttsýni sakir og sanngirni. Settur var hann hreppstjóri langtímum
saman, er tengdafaðir hans, Sigurður hreppstjóri var að heiman við
kennslustörf. Hann var farsæll bóndi, hafði gott og gagnsamt bú,
eljusamur og sívinnandi, og frá verki hné hann niður daginn áður en
hann lést, þessi verkmikli maður.
Tvö eru börn þeirra hjóna: Þorvaldur, bifvélavirki og
verkstæðiseigandi á Sleitustöðum og Arndís húsfrevja á Framnesi í
Blönduhlið.
Óskar Gislason var meðalmaður á vöxt og vel farinn allur, fölleitur
ásýndum, fullur að vöngum. drengilegur í sjón í viðmóti og allri
kynningu. Hann var greindur vel. hagmæltur og hneigður til lestrar,
vinur söngs og hljóma. Hann var greiðamaður og góðviljaður,
geðþekkur stilltur og prúður í öllu fari, vinmargur og vammlaus
maður á hverja grein.
Marvin Þorleifsson, bóndi í Enni og síðar að Sandfelli á
Höfðaströnd, andaðist 3. ágúst 1977.
Fæddur var hann að Hrauni í Unadal 10. apríl 1895, sonur Þorleifs
bónda þar Pálssonar, bónda á Auðnum í Ólafsfirði. Jónssonar, og
konu hans Margrétar Ingólfsdóttur hins sterka, bónda að Naustum o.
v., Sigmundssonar, en kona Ingólfs og móðir Margrétarvar Ingibjörg
Benjamínsdóttir.