Glóðafeykir - 01.04.1989, Side 65

GLOÐAFEYKIR
63
Sigurður Jónasson, varðstjóri og skógarvörður, Laugarbrekku hjá
Varmahlíð, lést snögglega hinn 11. apríl 1978.
Hann var fæddur á Bjarteyjarsandi á Hvalfjarðarströnd 29. jan.
1910, sonur Jónasar bónda þar Jóhannessonar og seinni konu hans
Guðfinnu Jósefsdóttur, er bæði voru
Borgfirðingar að ætterni, Sigurður óx upp
með foreldrum sínum þar á Bjarteyjarsandi
fram yfir tvítugsaldur, gekk i Reykholtsskóla
haustið 1932 og stundaði þar nám í tvo vetur,
hélt til Þýskalands sumarið 1934, dvaldi þar
vetrarlangt hjá þýskum manni, Poulsen að
nafni, er hélt uppi eins konar skóla og hafði
mikil og góð áhrif á unga menn, er með
honum voru. Um sumarið eftir ferðaðist
Sigurður víða með félaga sínum og vini,
Þorsteini Jósefssyni frá Signýjarstöðum í
Hálsasveit, einkum um Suður-Þýskaland og
Sviss.
Arið 1937 réðst Sigurður til starfa hjá
Sauðfjárveikivörnum ríkisins og var þá um
sumarið við vörslu á Kaldadal. Ari síðar,
1938, var honum falin yfirumsjón mæðiveikivarna við Héraðsvötn og
Blöndu. Fluttist hann þá alfari hingað til Skagafjarðar og hér vann
hann ævistarf sitt, bæði mikið og gott.
Um þessar mundir var mæðiveikin að vísu komin austur yfir Blöndu
á nokkrum stöðum, en þó var þar sett niður varnargirðing og önnur
við Héraðsvötn og vörslumenn við bæði fljótin. Er öldungis víst að
engum einum manni var þar meir að þakka en Sigurði Jónassyni, að
mæðiveikin var stöðvuð við Héraðsvötn. Árvekni hans, trúmennska
og dugnaður í starfi var með eindæmum, hyggindi og frábær lagni við
að leysa torveld vandamál. „Þessi varnarmál voru oft viðkvæm og
vandmeðfarin og því fór fjarri, að það væri alltaf auðvelt að greiða úr
þeim flækjum, sem þar vildu myndast. En með sanngirni, rósemi og
festu, tókst Sigurði það alltaf giftusamlega. Hann þurfti aldrei að
höggva á neinn hnút, hann leysti þá ávallt og jafnan með þeim hætti,
að allir sáu og viðurkenndu að rétt var unnið og á þann veg, sem öllum
gegndi sem best. Dugnaður hans og árvekni við varðgæslustörfin var
með fádæmum. Hann heimsótti bændur vítt og breitt um þau héruð,
sem þarna áttu hlut að máli. Sótti jöfnum höndum til þeirra ráð og
Sigurður
Jónasson